ಮಧ್ಯಪ್ರದೇಶ,ರಾಜಸ್ಥಾನ,ಛತ್ತೀಸ್‌ಗಡದಲ್ಲಿ ‘ಕೈ’ ಗೆ ಅಧಿಕಾರ;ಸಮೀಕ್ಷೆ

Team Udayavani, Oct 7, 2018, 3:58 PM IST

ಹೊಸದಿಲ್ಲಿ : ಲೋಕಸಭಾ ಚುನಾವಣೆಗೆ ಮುನ್ನ ಸೆಮಿಫೈನಲ್‌ ಎನ್ನಲಾಗಿರುವ ಮೂರು ರಾಜ್ಯಗಳಲ್ಲಿ ನಡೆಯಲಿರುವ ವಿಧಾನಸಭಾ ಚುನಾವಣೆಗಳಲ್ಲಿ  ಬಿಜೆಪಿ ಮುಖಭಂಗ ಅನುಭವಿಸುತ್ತದೆ ಎಂದು ಸಮೀಕ್ಷೆಗಳು ಹೇಳಿವೆ.

ಎಬಿಪಿ ನ್ಯೂಸ್‌ ಮತ್ತು ಸೀ ವೋಟರ್‌ ಬಹಿರಂಗಪಡಿಸಿರುವ ಸಮೀಕ್ಷೆಯಲ್ಲಿ  ಛತ್ತೀಸ್‌ಗಡ , ಮಧ್ಯಪ್ರದೇಶ, ರಾಜಸ್ಥಾನದಲ್ಲಿ  ಆಡಳಿತಾರೂಢ ಬಿಜೆಪಿ ಮುಖಭಂಗ ಅನುಭವಿಸುತ್ತದೆ ಎನ್ನಲಾಗಿದೆ. 

ರಾಜಸ್ಥಾನದಲ್ಲಿ ಕಾಂಗ್ರೆಸ್‌ ಭರ್ಜರಿ ಸಾಧನೆ ತೋರುವ ಭವಿಷ್ಯ ತೋರಲಾಗಿದ್ದು ಯುವ ನಾಯಕ ಸಚಿನ್‌ ಪೈಲಟ್‌ ಅವರ ಮುಖ ನೋಡಿ ಕಾಂಗ್ರೆಸ್‌ನತ್ತ ಜನತೆ ಆಕರ್ಷಿತರಾಗುವ ಸಾಧ್ಯತೆಗಳಿವೆ ಎನ್ನಲಾಗಿದೆ.

ಮಧ್ಯಪ್ರದೇಶ ಮತ್ತು ಛತ್ತೀಸ್‌ಗಡದಲ್ಲಿ 15 ವರ್ಷಗಳ ಬಳಿಕ ಕಾಂಗ್ರೆಸ್‌ ಅಧಿಕಾರಕ್ಕೆ ಬರುತ್ತದೆ ಎಂದು ಸಮೀಕ್ಷೆ ಹೇಳಿದೆ. 

ಛತ್ತೀಸ್‌ಗಡ ಮತ್ತು ಮಧ್ಯಪ್ರದೇಶದಲ್ಲಿ  ಕಾಂಗ್ರೆಸ್‌ ಮತ್ತು ಬಿಜೆಪಿ ನಡುವೆ ಜಿದ್ದಾಜಿದ್ದಿನ ಸ್ಪರ್ಧೆ ಏರ್ಪಡಲಿದೆ ಎಂದು ಸಮೀಕ್ಷೆ ಹೇಳಿದೆ.