ಕಾಂಗ್ರೆಸ್ ಶಾಸಕ ಸಂತೋಷ್ ಸೋದರಳಿಯನ ಗುಂಡಿಕ್ಕಿ ಕೊಲೆ

Team Udayavani, Feb 28, 2021, 9:47 AM IST

ಸಸಾರಾಮ್: ಬೈಕ್ ನಲ್ಲಿ ಬಂದ ಮೂವರು ದುಷ್ಕರ್ಮಿಗಳು ಬಿಹಾರದ ಕಾರ್ಗಹಾರ್ ಶಾಸಕ ಸಂತೋಷ್ ಮಿಶ್ರಾರ ಸೋದರಳಿಯನನ್ನು ಕೊಲೆ ಮಾಡಿದ ಘಟನೆ ಶನಿವಾರ ರಾತ್ರಿ ನಡೆದಿದೆ.

ಶಾಸಕ ಸಂತೋಷ್ ಮಿಶ್ರಾ ಸೋದರಳಿಯ ಸಂಜೀವ್ ಮಿಶ್ರಾ ಕೊಲೆಯಾದ ವ್ಯಕ್ತಿ. ಸಂಜೀವ್ ಮಿಶ್ರಾ ಅವರು ಮನೆಯಿಂದ ಹೊರಬಂದಾಗ ಕಾದುಕುಳಿತಿದ್ದ ದುಷ್ಕರ್ಮಿಗಳು ಗುಂಡಿನ ದಾಳಿ ನಡೆಸಿದ್ದಾರೆ.

ಸಂಜೀವ್ ಮಿಶ್ರಾ ಅವರನ್ನು ಆಸ್ಪತ್ರೆಗೆ ಕೂಡಲೇ ಕರೆದೊಯ್ದರೂ, ದಾರಿ ಮಧ್ಯೆ ಅಸುನೀಗಿದರು ಎಂದು ವರದಿಯಾಗಿದೆ.

ಇದನ್ನೂ ಓದಿ:ಅಕ್ರಮ ಮರಳು ಸಾಗಾಟ ತಡೆಗೆ ಸ್ಕೂಟರ್‌ನಲ್ಲಿ ತೆರಳಿ ದಾಳಿ ಮಾಡಿದ ಮಂಗಳೂರು ಕಮಿಷನರ್‌, ಡಿಸಿಪಿ!

ಸಂಜೀವ್ ಮಿಶ್ರಾ ಅವರು ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ಸಂತೋಷ್ ಮಿಶ್ರಾ ಪರವಾಗಿ ಪ್ರಚಾರ ಮಾಡಿದ್ದರು. ಈ ಬಾರಿ ಪಂಚಾಯತ್ ಚುನಾವಣೆಯಲ್ಲಿ ಸ್ಪರ್ಧಿಸಲು ಸಂಜೀವ್ ಮಿಶ್ರಾ ಯೋಜನೆ ಹಾಕಿಕೊಂಡಿದ್ದರು.

ಘಟನೆಯನ್ನು ಖಂಡಿಸಿರುವ ಶಾಸಕ ಸಂತೋಷ್ ಮಿಶ್ರಾ, ರಾಜ್ಯದಲ್ಲಿ ಕಾನೂನು ಪಾಲನೆ ವ್ಯವಸ್ಥಿತವಾಗಿಲ್ಲ. ತಮ್ಮ ಕ್ಷೇತ್ರದಲ್ಲಿ ಮತ್ತೆ ಮತ್ತೆ ಕೊಲೆಗಳಾಗುತ್ತಿವೆ ಎಂದು ದೂರಿದರು.

ಇದನ್ನೂ ಓದಿ: ಹಳೇ ಚಾಳಿ ಬಿಡದ ಪಾಕ್‌ : ಕಾಶ್ಮೀರಿಗರ ಬೇಡಿಕೆ ಈಡೇರಿಸುವಂತೆ ಇಮ್ರಾನ್‌ ಟ್ವೀಟ್‌