ಪ್ರಧಾನಿ ಮೋದಿ ಸುಳ್ಳು ಹೇಳುವ ರೋಗವುಳ್ಳ ವ್ಯಕ್ತಿ : ಚೀತಾ ವಿಚಾರದಲ್ಲಿ ಕಾಂಗ್ರೆಸ್

Team Udayavani, Sep 18, 2022, 5:06 PM IST

ನವದೆಹಲಿ: ”ಚೀತಾಗಳನ್ನು ಭಾರತಕ್ಕೆ ಮರು ಪರಿಚಯಿಸಲು ದಶಕಗಳಿಂದ ಯಾವುದೇ ರಚನಾತ್ಮಕ ಪ್ರಯತ್ನಗಳು ನಡೆದಿಲ್ಲ” ಎಂಬ ಪ್ರಧಾನಿ ನರೇಂದ್ರ ಮೋದಿಯವರ ಹೇಳಿಕೆಗೆ ಕಾಂಗ್ರೆಸ್ ಭಾನುವಾರ ವಾಗ್ದಾಳಿ ನಡೆಸಿದ್ದು, ಪ್ರಧಾನಿ ”ಸುಳ್ಳು ಹೇಳುವ ರೋಗವುಳ್ಳ ವ್ಯಕ್ತಿ” ಎಂದು ಟೀಕಿಸಿದೆ.

ಇದನ್ನೂ ಓದಿ: ಕೇರಳ ಮುಖ್ಯಮಂತ್ರಿಯ ರೈಲ್ವೆ ಯೋಜನೆ ಪ್ರಸ್ತಾಪಗಳನ್ನು ತಿರಸ್ಕರಿಸಿದ ಸಿಎಂ ಬೊಮ್ಮಾಯಿ

ಪತ್ರವನ್ನು ಹಂಚಿಕೊಂಡ ಕಾಂಗ್ರೆಸ್ ಹಿರಿಯ ನಾಯಕ ಮತ್ತು ಪಕ್ಷದ ಸಂವಹನ ಮುಖ್ಯಸ್ಥ ಜೈರಾಮ್ ರಮೇಶ್, “ಇದು 2009 ರಲ್ಲಿ ಪ್ರಾಜೆಕ್ಟ್ ಚೀತಾವನ್ನು ಪ್ರಾರಂಭಿಸಿದ ಪತ್ರವಾಗಿತ್ತು. ನಮ್ಮ ಪ್ರಧಾನಿ ಒಬ್ಬ ಸುಳ್ಳುಗಾರ. #BharatJodoYatra ನಲ್ಲಿ ನನ್ನ ಆಸಕ್ತಿಯಿಂದಾಗಿ ನಾನು ನಿನ್ನೆ ಈ ಪತ್ರದ ಮೇಲೆ ಗಮನ ಹರಿಸಲು ಸಾಧ್ಯವಾಗಲಿಲ್ಲ” ಎಂದು ಟ್ವೀಟ್ ಮಾಡಿದ್ದಾರೆ.

ರಮೇಶ್ ಅವರು ಹಂಚಿಕೊಂಡ ಪತ್ರವು 2009 ರದ್ದಾಗಿದ್ದು, ಯುಪಿಎ-2 ಸರ್ಕಾರದ ಅವಧಿಯಲ್ಲಿ ಪರಿಸರ ಮತ್ತು ಅರಣ್ಯ ಖಾತೆಗಳನ್ನು ಹೊಂದಿದ್ದ ಜೈರಾಮ್ ರಮೇಶ್ ಅವರು ಚಿರತೆಗಳ ಮರುಪರಿಚಯಕ್ಕೆ ಮಾರ್ಗಸೂಚಿಯನ್ನು ಸಿದ್ಧಪಡಿಸುವಂತೆ ಭಾರತದ ವನ್ಯಜೀವಿ ಟ್ರಸ್ಟ್‌ನ ಕಾರ್ಯನಿರ್ವಾಹಕರನ್ನು ಕೇಳಿದ್ದಾರೆ.

2012 ರಲ್ಲಿ, ಯುಪಿಎ ಸರ್ಕಾರದ ಚೀತಾಗಳನ್ನು ಮರುಪರಿಚಯಿಸುವ ಯೋಜನೆಯನ್ನು ಸುಪ್ರೀಂ ಕೋರ್ಟ್‌ನಿಂದ ತಳ್ಳಿಹಾಕಿತ್ತು, ಕೆಲವು ಸಂರಕ್ಷಣಾವಾದಿಗಳು ಭಾರತದಲ್ಲಿ ಮರುಪರಿಚಯಿಸಲು ”ಆಫ್ರಿಕನ್ ಚೀತಾಗಳನ್ನು ಆಮದು ಮಾಡಿಕೊಳ್ಳುವುದು ಇಂಟರ್ನ್ಯಾಷನಲ್ ಯೂನಿಯನ್ ಫಾರ್ ಕನ್ಸರ್ವೇಶನ್ ಆಫ್ ನೇಚರ್‌ನ (IUCN) ಮರುಪರಿಚಯ ಮಾರ್ಗಸೂಚಿಗಳಿಗೆ ವಿರುದ್ಧವಾಗಿದೆ” ಎಂದು ವಾದಿಸಿದ್ದರು.

प्रधानमंत्री #नरेंद्रमोदी ने अपने जन्मदिन पर #मध्यप्रदेश के कुनो राष्ट्रीय उद्यान में नामीबिया से लाए गए चीतों को अभयारण्य में पिंजरों से आजाद किया तो अगले दिन #कांग्रेस ने दावा किया कि इसकी प्रक्रिया उसकी सरकार ने शुरू की थी, लेकिन प्रधानमंत्री यह तथ्य नहीं बता रहे हैं। pic.twitter.com/f7iLNeb6Jn

— IANS Hindi (@IANSKhabar) September 18, 2022