ಕೋವಿಡ್ 19 ತಡೆಗಾಗಿ ಪ್ರಧಾನಿ ವಿಪತ್ತು ನಿಧಿಗೆ ದೇಣಿಗೆ ನೀಡಿದ ಮೋದಿ ತಾಯಿ ಹೀರಾ ಬೆನ್

Team Udayavani, Mar 31, 2020, 7:11 PM IST

PM Modi's mother Heera Ben

ನವದೆಹಲಿ: ಮಾರಣಾಂತಿಕ ಕೋವಿಡ್ 19 ವೈರಸ್ ಜಗತ್ತಿನಾದ್ಯಂತ ಭೀತಿಯನ್ನು ಹುಟ್ಟಿಸಿದ್ದು, ಏತನ್ಮಧ್ಯೆ ಕೋವಿಡ್ 19 ವೈರಸ್ ತಡೆಗಾಗಿ ಪ್ರಧಾನಿ ನರೇಂದ್ರ ಮೋದಿ ಅವರ ತಾಯಿ ಹೀರಾ ಬೆನ್ ಅವರು ತಮ್ಮ ಉಳಿತಾಯದ 25 ಸಾವಿರ ರೂಪಾಯಿಯನ್ನು ಪ್ರಧಾನಿ ರಕ್ಷಣಾ ನಿಧಿಗೆ ನೀಡಿರುವುದಾಗಿ ಕೇಂದ್ರ ಸರ್ಕಾರದ ಮೂಲಗಳು ಮಂಗಳವಾರ ತಿಳಿಸಿದೆ.

ಪ್ರಧಾನಿ ತಾಯಿ ಹೀರಾ ಬೆನ್(98ವರ್ಷ) ಅವರು ಗುಜರಾತ್ ನ ಗಾಂಧಿನಗರ ಸಮೀಪದ ರೈಸಿನ್ ಗ್ರಾಮದಲ್ಲಿ ವಾಸಿಸುತ್ತಿದ್ದಾರೆ. ಮೋದಿ ಅವರ ಕಿರಿಯ ಸಹೋದರ ಪಂಕಜ್ ಮೋದಿ ತಾಯಿ ಜತೆಗಿದ್ದಾರೆ ಎಂದು ವರದಿ ಹೇಳಿದೆ.

ಕೋವಿಡ್ 19 ವೈರಸ್ ಹರಡದಿರುವಂತೆ ತಡೆಯುವ ನಿಟ್ಟಿನಲ್ಲಿ ಪ್ರಧಾನಿ ಮೋದಿ ಕರೆ ನೀಡಿದ್ದ ಜನತಾ ಕರ್ಫೂಗೆ ತಾಯಿ ಹೀರಾ ಬೆನ್ ಬೆಂಬಲ ವ್ಯಕ್ತಪಡಿಸಿದ್ದರು. ಕೋವಿಡ್ 19 ತಡೆಗಾಗಿ ತುರ್ತು ಪರಿಸ್ಥಿತಿ ಹಿನ್ನೆಲೆಯಲ್ಲಿ ಪರಿಹಾರ ನಿಧಿಗೆ ಹಣ ನೀಡುವಂತೆ ಪ್ರಧಾನಿ ಮನವಿ ಮಾಡಿಕೊಂಡಿದ್ದರು.