ಭ್ರಷ್ಟಾಚಾರ ಆರೋಪ ವಿವರ ಹಂಚಿಕೊಳ್ಳಲಾಗದು: ಪಿಎಂಓ ಸ್ಪಷ್ಟನೆ

Team Udayavani, Nov 21, 2018, 7:22 PM IST

ಹೊಸದಿಲ್ಲಿ: ಕೆಲವು ಕೇಂದ್ರ ಸಚಿವರ ವಿರುದ್ಧ ಬಂದಿರುವ ಭ್ರಷ್ಟಾಚಾರದ ಆರೋಪಗಳ ವಿವರಗಳನ್ನು ಹಂಚಿಕೊಳ್ಳುವುದಕ್ಕೆ ಪ್ರಧಾನಿ ಕಾರ್ಯಾಲಯ ನಿರಾಕರಿಸಿದೆ. 

ಇಂತಹ ವಿವರಗಳು ವಸ್ತು-ವ್ಯಕ್ತಿ ಕೇಂದ್ರಿತವಾಗಿದ್ದು ಅವುಗಳ ನಿರ್ವಹಣೆ ಸಂಕೀರ್ಣದ್ದಾಗಿರುತ್ತದೆ ಎಂದು ಪ್ರಧಾನಿ ಕಾರ್ಯಾಲಯ ಹೇಳಿದೆ.

ಸಿಬಿಐ ಹಿರಿಯ ಅಧಿಕಾರಿಯೋರ್ವರು ಕೇಂದ್ರ ಕಲ್ಲಿದ್ದಲು ಮತ್ತು ಗಣಿ ಸಚಿವ ಹರಿಭಾಯಿ ಪಾರ್ಥಿಭಾಯಿ ಚೌಧರಿ ವಿರುದ್ಧ ಭ್ರಷ್ಟಾಚಾರದ ಆರೋಪ ಮಾಡಿರುವ ಹಿನ್ನೆಲೆಯಲ್ಲಿ ಪ್ರಧಾನಿ ಕಾರ್ಯಾಲಯದಿಂದ ಈ ಹೇಳಿಕೆ ಬಂದಿರುವುದು ಗಮನಾರ್ಹವಾಗಿದೆ. 

“ಪ್ರಧಾನಿ ಕಾರ್ಯಾಲಯ ಕಾಲಕಾಲಕ್ಕೆ  ಕೇಂದ್ರದ ಹಲವು ಸಚಿವರು ಮತ್ತು ಉನ್ನತ ಮಟ್ಟದ ಅಧಿಕಾರಿಗಳ ವಿರುದ್ದ ಭ್ರಷ್ಟಾಚಾರದ ದೂರುಗಳನ್ನು ಸ್ವೀಕರಿಸುತ್ತದೆ; ಅವೆಲ್ಲವುಗಳ ವಿವರಗಳನ್ನು ಹಂಚಿಕೊಳ್ಳುವುದು ಕಾರ್ಯಸಾಧುವಲ್ಲ” ಎಂದು ಪ್ರಧಾನಿ ಕಾರ್ಯಾಲಯ ಆರ್‌ಟಿಐ ಗೆ ಉತ್ತರವಾಗಿ ಹೇಳಿದೆ.