ವಿಷ ಸೇವಿಸಿ ವಿವಾಹಿತ ವ್ಯಕ್ತಿ, ಪ್ರಿಯತಮೆ ಆತ್ಮಹತ್ಯೆ

Team Udayavani, Mar 11, 2017, 3:37 PM IST

ಹೌರಾ : ವಿವಾಹಿತ ವ್ಯಕ್ತಿ ಹಾಗೂ ಆತನ ಪ್ರಿಯತಮೆ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಇಲ್ಲಿನ ಪುರಪತ್‌ ಗ್ರಾಮದಲ್ಲಿ ನಡೆದಿದೆ. ತಮ್ಮ ಪ್ರೇಮ ಸಂಬಂಧಕ್ಕೆ ತಮ್ಮ ಮನೆಯವರ ಒಪ್ಪಿಗೆ ಇಲ್ಲದಿರುವ ಕಾರಣಕ್ಕೆ ಅಸಮಾಧಾನಗೊಂಡ ಈ ಜೋಡಿ ಆತ್ಮಹತ್ಯೆ ಮಾಡಿಕೊಂಡಿತೆಂದು ಗೊತ್ತಾಗಿದೆ.

ಗಂಡು ಮಗುವಿನ ತಂದೆಯಾಗಿರುವ 30ರ ಹರೆಯದ ವ್ಯಕ್ತಿ ಹಾಗೂ 26ರ ಹರೆಯದ ಮಹಿಳೆಗೆ ಪ್ರೇಮ ಸಂಬಂಧ ಇತ್ತು. ಇವರಿಬ್ಬರೂ ಆರಾಮ್‌ಬಾಗ್‌ ಪ್ರದೇಶದ ನಿವಾಸಿಗಳು. ಇವರಿಬ್ಬರೂ ಜತೆಗೂಡಿ ತಮ್ಮ ಮನೆಯಿಂದ ಪರಾರಿಯಾಗಿ ಸ್ನೇಹಿತರೊಬ್ಬರ ಮನೆಯಲ್ಲಿ ಆಸರೆ ಪಡೆದಿದ್ದರು. 

ಆದರೆ ತಮ್ಮ  ಮನೆಯವರ ಹಿಂಸೆ ಮತ್ತು ಕಿರುಕುಳವನ್ನು ತಡೆಯಲಾರದೆ ಈ ಜೋಡಿ  ಅನಂತರ ವಿಷ ಸೇವಿಸಿತು. ಗಂಭೀರ ಸ್ಥಿತಿಯಲ್ಲಿದ್ದ ಅವರನ್ನು ದಂಗಲ್‌ ಪಾಡಾ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ ಆ ಹೊತ್ತಿಗಾಗಲೇ ಅವರು ಮೃತಪಟ್ಟಿದ್ದುದಾಗಿ ವೈದ್ಯರು ತಿಳಿಸಿದರು.

ಶವಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.