ದೇಶದಲ್ಲಿ ಮುಂದುವರೆದ ಕೋವಿಡ್ ಕ್ರೌರ್ಯ: 1.5 ಲಕ್ಷದ ಗಡಿ ದಾಟಿದ ಸೋಂಕಿತರ ಸಂಖ್ಯೆ

Team Udayavani, May 28, 2020, 8:45 AM IST

ನವದೆಹಲಿ: ಭಾರತದಲ್ಲಿ ಕೋವಿಡ್ ಕ್ರೌರ್ಯ ಮುಂದುವರೆದಿದ್ದು ಸೋಂಕಿತರ ಸಂಖ್ಯೆ 1. 5 ಲಕ್ಷದ ಗಡಿ ದಾಟಿದೆ. ಕಳೆದ 24 ಗಂಟೆಗಳಲ್ಲಿ 6,387 ಹೊಸ ಪ್ರಕರಣಗಳು ದಾಖಲಾಗಿದ್ದು 170 ಜನರು ಮೃತಪಟ್ಟಿದ್ದಾರೆ.

ಭಾರತದಲ್ಲಿ ಒಟ್ಟಾರೆ ಸೋಂಕಿತರ ಪ್ರಮಾಣ 1,51,767 ಕ್ಕೆ ತಲುಪಿದ್ದು ಮೃತರ ಸಂಖ್ಯೆ 4,337ಕ್ಕೆ ಏರಿಕೆಯಾಗಿದೆ. ಮಾತ್ರವಲ್ಲದೆ 64,426 ಮಂದಿ ವೈರಾಣುವಿನಿಂದ ಮುಕ್ತರಾಗಿದ್ದಾರೆ ಎಂದು ಬೆಳಗ್ಗೆ ಬಿಡುಗಡೆಯಾದ ಆರೋಗ್ಯ ಸಚಿವಾಲಯದ ವರದಿ ತಿಳಿಸಿದೆ.

ಭಾರತವೂ ಈ ಮೊದಲು ಕೋವಿಡ್ ಹಾಟ್ ಸ್ಪಾಟ್ ಆಗಿರುವ ಟಾಪ್ 10 ರಾಷ್ಟ್ರಗಳ ಸ್ಥಾನದಲ್ಲಿ ಗುರುತಿಸಿಕೊಂಡಿದ್ದು. ಮಾತ್ರವಲ್ಲದೆ ಮೇ 21 ರಿಂದ ಪ್ರತಿದಿನ 6,000 ಹೊಸ ಪ್ರಕರಣಗಳು ದಾಖಲಾಗುತ್ತಿದ್ದು ಆತಂಕಕ್ಕೀಡಾಗುವಂತೆ ಮಾಡಿದೆ.

ಮಹಾರಾಷ್ಟ್ರ, ತಮಿಳುನಾಡು, ಗುಜರಾತ್, ಡೆಲ್ಲಿ ರಾಜ್ಯಗಳು ಕೋವಿಡ್ ಮಹಾಮಾರಿಗೆ ಅತೀ ಹೆಚ್ಚು ತುತ್ತಾದ ರಾಜ್ಯಗಳು ಎನಿಸಿಕೊಂಡಿದೆ. ಮಹಾರಾಷ್ಟ್ರವೊಂದರಲ್ಲೇ 50 ಸಾವಿರ ಸೋಂಕಿತರಿದ್ದು ಇಲ್ಲಿನ ಲಾಕ್ ಡೌನ್ ನಿರ್ಭಂಧಗಳು ಕೊಂಚ ಸಡಿಲಿಕೆಯಾದ ನಂತರ ಸೋಂಕಿತರ ಪ್ರಮಾಣ ಏರುಗತಿಯಲ್ಲಿ ಸಾಗಿದೆ.