ಶಿಲೀಂಧ್ರ ಸಾಂಕ್ರಾಮಿಕಕ್ಕೆ ಸಗಣಿ ಸುಡುವುದೇ ಕಾರಣ?

Team Udayavani, Apr 10, 2022, 8:10 AM IST

ನವದೆಹಲಿ: ಭಾರತದಲ್ಲಿ ಕೊರೊನಾ ಸಮಯದಲ್ಲಿ ಬ್ಲಾಕ್ ಫಂಗಸ್ (ಕಪ್ಪು ಶಿಲೀಂಧ್ರ)ದಿಂದ ಸಾಂಕ್ರಾಮಿಕ ಉಂಟಾಗುವುದಕ್ಕೆ ಕಾರಣ, ಹೆಚ್ಚು ಪ್ರಮಾಣದಲ್ಲಿ ಹಸುವಿನ ಸಗಣಿ ಸುಟ್ಟಿರುವುದು ಮತ್ತು ಕೊರೊನಾ ಸಮಯದಲ್ಲಿ ನೀಡಲಾದ ಸ್ಟೆರಾಯ್ಡಗಳು ಎಂದು ವರದಿಯೊಂದು ಹೇಳಿದೆ.

“ಅಮೆರಿಕನ್‌ ಸೊಸೈಟಿ ಆಫ್ ಮೈಕ್ರೋಬಯೋಲಜಿ’ ಪ್ರಕಟಿಸಿರುವ ವರದಿಯ ಪ್ರಕಾರ “”ಬೇರೆ ದೇಶಗಳಲ್ಲೂ ಸ್ಟೆರಾಯ್ಡ ಬಳಕೆಯಾಗಿದೆಯಾದರೂ ಭಾರತದಲ್ಲಿ ಹೆಚ್ಚಾಗಿ ಶಿಲೀಂಧ್ರಗಳಿಂದ ಸಾಂಕ್ರಾಮಿಕ ಕಾಣಿಸಿಕೊಂಡಿದೆ.

ಇದನ್ನೂ ಓದಿ:ಯಲಹಂಕ: 16ರ ಬಾಲಕಿಯ ಗ್ಯಾಂಗ್ ರೇಪ್, ಬ್ಲ್ಯಾಕ್‌ಮೇಲ್‌; 7 ಜನರ ಬಂಧನ

ಶಿಲೀಂಧ್ರದ ಮಾದರಿಗಳಲ್ಲೊಂದಾದ ಮ್ಯೂಕುರೇಲ್ಸ್‌ ಸಮೃದ್ಧವಾಗಿರುವ ವಸ್ತು (ಸಗಣಿ) ಸುಡುವುದರಿಂದ ಈ ರೀತಿ ಸಮಸ್ಯೆಯಾಗಿದೆ. ಇದು ಹೆಚ್ಚು ಜನರಲ್ಲಿ ಸಕ್ಕರೆ ಕಾಯಿಲೆಗೆ ಕಾರಣವಾಗಬಹುದು” ಎಂದು ಹೇಳಲಾಗಿದೆ.

ಬೇರೆ ದೇಶಗಳಿಗೆ ಹೋಲಿಸಿದರೆ ಭಾರತದ ಆಸ್ಪತ್ರೆಗಳ ಸುತ್ತಲಿನ ಗಾಳಿಯಲ್ಲಿ ಮ್ಯೂಕುರೇಲ್ಸ್‌ ಅಂಶ ಶೇ. 51.8 ಹೆಚ್ಚಿದೆ ಎಂದು ವರದಿ ಹೇಳಿದೆ.