ಟ್ರಕ್ ನಲ್ಲಿ ಗೋ ಸಾಗಾಟ; ಗೋ ರಕ್ಷಣೆ ಹೆಸರಿನಲ್ಲಿ ಚಾಲಕರಿಗೆ ಥಳಿತ

Team Udayavani, Jul 3, 2017, 4:22 PM IST

ಗುವಾಹಟಿ: ಗೋ ರಕ್ಷಣೆ ಹೆಸರಿನಲ್ಲಿ ಅಮಾಯಕ ಜನರ ಹತ್ಯೆಯನ್ನು ಒಪ್ಪಲು ಸಾಧ್ಯವಿಲ್ಲ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಸ್ವಯಂ ಘೋಷಿತ ಗೋ ರಕ್ಷಕರಿಗೆ ಕಠಿಣ ಸಂದೇಶ ರವಾನಿಸಿದ ಬೆನ್ನಲ್ಲೇ ಗೋ ಸಾಗಾಟ ಮಾಡುತ್ತಿದ್ದ ಟ್ರಕ್ ಅನ್ನು ಅಡ್ಡಗಟ್ಟಿ ಚಾಲಕನನ್ನು ಹೊರಗೆಳೆದು ಹಿಗ್ಗಾಮುಗ್ಗಾ ಥಳಿಸಿದ ಘಟನೆ ಗುವಾಹಟಿಯಲ್ಲಿ ನಡೆದಿದೆ.

ವರದಿ ಪ್ರಕಾರ, ಗೋವುಗಳನ್ನು ಸಾಗಿಸುತ್ತಿದ್ದ ಮೂರು ಟ್ರಕ್ ಗಳನ್ನು ಗೋ ರಕ್ಷಕರು ತಡೆದು ನಿಲ್ಲಿಸಿ, ಚಾಲಕರನ್ನು ಹೊರಗೆಳೆದು ಕಟ್ಟಿಗೆ, ಕಾಲಿನಿಂದ ತುಳಿದು ಹಲ್ಲೆ ನಡೆಸಿದ್ದಾರೆ.

ಟ್ರಕ್ ಗಳು ಅಸ್ಸಾಂನ ಟಿನ್ ಸುಕಿಯಾದಿಂದ ಆಗಮಿಸುತ್ತಿದ್ದು ವೇಳೆ ಹಿಂದೂ ಯುವ ಛಾತ್ರಾ ಪರಿಷತ್ ಘಟಕದ ಕಾರ್ಯಕರ್ತರು ತಡೆದು ನಿಲ್ಲಿಸಿ, ಗೋವುಗಳನ್ನು ಕದ್ದು ಸಾಗಿಸುತ್ತಿದ್ದೀರಾ ಎಂದು ಆರೋಪಿಸಿ ಥಳಿಸಿರುವುದಾಗಿ ವರದಿ ತಿಳಿಸಿದೆ.