Credit card; ಇಷ್ಟದ ನೆಟ್‌ವರ್ಕ್‌ ಆಯ್ಕೆ ಮಾಡಿ : ಗ್ರಾಹಕರಿಗೇನು ಲಾಭ?

Team Udayavani, Mar 8, 2024, 6:00 AM IST

ಹೊಸದಿಲ್ಲಿ: ಕ್ರೆಡಿಟ್‌ ಹಾಗೂ ಡೆಬಿಟ್‌ ಕಾರ್ಡ್‌ಗಳನ್ನು ಬಳಕೆ ಮಾಡುತ್ತಿರುವ ಗ್ರಾಹಕರಿಗೆ ಶೀಘ್ರ ತಮ್ಮಿಷ್ಟದ ನೆಟ್‌ವರ್ಕ್‌ ಆಯ್ಕೆ ಅವಕಾಶ ದೊರೆ­ಯ­ಲಿದೆ. ಈ ಕುರಿತಾಗಿ ಕ್ರೆಡಿಟ್‌ ಕಾರ್ಡ್‌ ನೆಟ್‌ವರ್ಕ್‌ಗಳು, ಕಾರ್ಡ್‌ ನೀಡುವ ಬ್ಯಾಂಕ್‌ಗಳು, ಬ್ಯಾಂಕೇತರ ವಿತ್ತೀಯ ಸಂಸ್ಥೆಗಳಿಗೆ (ಎನ್‌ಬಿಎಫ್ಸಿ) ಹೊಸ ಮಾರ್ಗಸೂಚಿ ಬಿಡುಗಡೆ ಮಾಡಿದೆ.

ಇನ್ನು ಮುಂದೆ ಕ್ರೆಡಿಟ್‌ ಕಾರ್ಡ್‌ ವಿತರಣೆ ಮಾಡುವ ಮೊದಲು ಗ್ರಾಹಕರಿಗೆ ಒಂದಕ್ಕಿಂತ ಹೆಚ್ಚು ಹೆಚ್ಚು ನೆಟ್‌ವರ್ಕ್‌ಗಳನ್ನು ಆಯ್ಕೆ ಮಾಡಿ­ಕೊಳ್ಳುವ ಅವಕಾಶವನ್ನು ಬ್ಯಾಂಕ್‌ ಹಾಗೂ ಬ್ಯಾಂಕೇತರ ಸಂಸ್ಥೆಗಳು ನೀಡ ಬೇಕಾಗುತ್ತದೆ. ಈಗಾಗಲೇ ಬಳಕೆ ಮಾಡುತ್ತಿರುವ ಗ್ರಾಹಕರೂ ಕಾರ್ಡ್‌ ನವೀಕರಣದ ಸಂದರ್ಭದಲ್ಲಿ ತಮ್ಮಿ ಷ್ಟದ ನೆಟ್‌ವರ್ಕ್‌ಗೆ ಬದಲಾಯಿ­ಸುವ ಅವಕಾಶವನ್ನು ಇದು ಒದಗಿಸಲಿದೆ.
ವೀಸಾ, ಮಾಸ್ಟರ್‌ಕಾರ್ಡ್‌, ಅಮೆ­ರಿಕನ್‌ ಎಕ್ಸ್‌ಪ್ರೆಸ್‌, ಡೈನರ್ಸ್‌ ಕ್ಲಬ್‌ ಮತ್ತು ರುಪೆ ಸದ್ಯ ದೇಶದಲ್ಲಿರುವ 5 ಕಾರ್ಡ್‌ ನೆಟ್‌ವರ್ಕ್‌ ವ್ಯವಸ್ಥೆಗಳು. ಅವು ಬ್ಯಾಂಕ್‌ ಹಾಗೂ ಗ್ರಾಹಕರ ನಡು ವಿನ ಕೊಂಡಿಯಾಗಿ ಕೆಲಸಮಾಡುತ್ತವೆ.

ಗ್ರಾಹಕರಿಗೇನು ಲಾಭ?
ಸೇವಾಶುಲ್ಕ ಆಧರಿಸಿ ಗ್ರಾಹಕರು ಇಷ್ಟದ ನೆಟ್‌ವರ್ಕ್‌ ಆಯ್ದುಕೊಳ್ಳಬಹುದು
ಬ್ಯಾಂಕ್‌ಗಳು ಒಪ್ಪಂದ ಮಾಡಿಕೊಂಡಿರುವ ನೆಟ್‌ವರ್ಕ್‌ಗೆ ಹೆಚ್ಚಿನ ಶುಲ್ಕ ಪಾವತಿಯಿಂದ ಮುಕ್ತಿ