ನೋಟು ಅಪಮೌಲ್ಯ: ತಿರುಪತಿಗೂ ಆದಾಯ ಖೋತಾ

Team Udayavani, Feb 19, 2017, 7:27 AM IST

ತಿರುಪತಿ: ಹೇಳಿ ಕೇಳಿ ತಿರುಪತಿ ತಿಮ್ಮಪ್ಪನೆಂದರೆ ವಿಶ್ವ ದಲ್ಲಿಯೇ ಅತ್ಯಂತ ಸಿರಿವಂತ ದೇವರು. ಆತನಿಗೂ ಆದಾಯದಲ್ಲಿ ಖೋತಾ ಆಗಿದೆ ಎಂದರೆ ನಂಬು ತ್ತೀರಾ? ಅಂಥ ಸ್ಥಿತಿಯನ್ನು ಆತ ಎದುರಿಸುತ್ತಿದ್ದಾನಂತೆ. ಅದಕ್ಕೆ ಕಾರಣವೇನು ಗೊತ್ತೇ? ನೋಟುಗಳ ಅಪ ಮೌಲ್ಯ. ಈ ಅಂಶವನ್ನು ಆಡಳಿತ ಮಂಡಳಿಯವರೇ ಹೇಳಿಕೊಂಡಿದ್ದಾರೆ.

ಹೀಗಾಗಿ,  ದೇಗುಲದ ಎಲ್ಲ ಸೇವೆಗಳ ಶುಲ್ಕ ಗಣ ನೀಯ ಪ್ರಮಾಣದಲ್ಲಿ ಏರಿಕೆ ಯಾಗುವ ಸಾಧ್ಯತೆಗಳಿವೆ. 5 ರೂ.ಗಳಿಂದ 10 ರೂ. ಗಳವರೆಗೆ ಅದು ಹೆಚ್ಚಳ ವಾಗುವ ಸಂಭವ ಇದೆ. ದೇಗುಲದ ಅಧಿಕಾರಿ ಗಳೇ ಹೇಳುವ ಪ್ರಕಾರ ಅಪಮೌಲ್ಯ ಮುನ್ನ ಬ್ಯಾಂಕ್‌ ಠೇವಣಿ ಬಡ್ಡಿ, ಹುಂಡಿ ಕಾಣಿಕೆ, ಪ್ರಸಾದದ ಟಿಕೆಟ್‌ ಮಾರಾಟ ಮತ್ತು ಇತರ ಮೂಲಗಳಿಂದ ಪ್ರತಿದಿನ 5 ಕೋಟಿ ರೂ. ಆದಾಯ ಬರುತ್ತಿತ್ತು. ಈಗ ಅದರಲ್ಲಿ 1ರಿಂದ 2 ಕೋಟಿ ರೂ. ಕಡಿಮೆ ಆಗಿದೆ.  ಭಕ್ತರಿಗೆ ಹೊರೆಯಾಗದಂತೆ ಈ ಕೊರತೆಯಾಗಿರುವ ಆದಾಯವನ್ನು ಭರ್ತಿ ಮಾಡಲು ಮುಂದಾಗಿ ದ್ದೇವೆ’ ಎಂದು ಟಿಟಿಡಿ ಅಧ್ಯಕ್ಷ ಚಡಲವಡ ಕೃಷ್ಣಮೂರ್ತಿ ಹೇಳಿದ್ದಾರೆ.