Dalit; ದಲಿತ ಸಮ್ಮಾನ್ ಸಮಾರೋಹ್ ದಲ್ಲಿ ಪಾಲ್ಗೊಂಡ ರಾಜ್ ನಾಥ್ ಸಿಂಗ್

Team Udayavani, Dec 10, 2023, 4:26 PM IST

ಹೊಸದಿಲ್ಲಿ: ರಕ್ಷಣ ಸಚಿವ ರಾಜನಾಥ್ ಸಿಂಗ್ ಅವರು ಮಹಾತ್ಮ ಗಾಂಧಿಯವರ ಸ್ಮಾರಕವಾದ ರಾಜ್‌ಘಾಟ್ ಬಳಿ ಭಾನುವಾರ ನಡೆದ “ದಲಿತ ಸಮ್ಮಾನ್ ಸಮರೋಹ್” ನಲ್ಲಿ ಭಾಗವಹಿಸಿದರು.

ದಲಿತ ಸಮುದಾಯದ ಜನಸಾಮಾನ್ಯರೊಂದಿಗೆ ನೆಲದ ಮೇಲೆ ಕುಳಿತು ಭೋಜನ ಸೇವಿಸುತ್ತಿರುವುದು ಎಎನ್ ಐ ಹಂಚಿಕೊಂಡ ವಿಡಿಯೋದಲ್ಲಿ ಕಂಡುಬಂದಿದೆ.

”50-60 ವರ್ಷಗಳ ಹಿಂದೆ ದಲಿತ ಸಮಾಜ ದುರದೃಷ್ಟಕರ ವಾಸ್ತವ ಅನುಭವಿಸಿತು, ತುಳಿತಕ್ಕೊಳಗಾಯಿತು. ಅವರಿಗೆ ಅವಕಾಶಗಳನ್ನು ನಿರಾಕರಿಸಲಾಯಿತು. ವಾಸ್ತವವನ್ನು ಒಪ್ಪಿಕೊಳ್ಳಲು ಯಾವುದೇ ಹಿಂಜರಿಕೆ ಬೇಡ. ಆದರೆ ಈಗಿನ ಕಾಲದ ವಾಸ್ತವವನ್ನು ಅವಲೋಕಿಸಿದರೆ ಪರಿಸ್ಥಿತಿ ಬದಲಾಗಿರುವುದನ್ನು ಕಾಣಬಹುದು” ಎಂದು ರಾಜನಾಥ್ ಹೇಳಿದರು.

#WATCH | Delhi: Defence Minister Rajnath Singh attends “Dalit Samman Samaroh’ near Rajghat pic.twitter.com/is34282Ld8

— ANI (@ANI) December 10, 2023

ರಾಜ್‌ಘಾಟ್ ನಲ್ಲಿ ಮಹಾತ್ಮ ಗಾಂಧಿ ಅವರು ಪ್ರತಿಪಾದಿಸಿದ ಸಮಾನತೆ ಮತ್ತು ಸಾಮಾಜಿಕ ನ್ಯಾಯದ ಆದರ್ಶಗಳನ್ನು ಪ್ರತಿಬಿಂಬಿಸುವುದು ಅವರ ಆದರ್ಶಗಳನ್ನು ಪಾಲಿಸುವುದು. ದಲಿತ ಸಮುದಾಯದವರಲ್ಲಿ ಸಮಾನತೆಯ ಸ್ವೀಕೃತಿ ಇರುವುದನ್ನು ಖಚಿತ ಪಡಿಸುವುದು ಕಾರ್ಯಕ್ರಮದ ಪ್ರಮುಖ ಉದ್ದೇಶವಾಗಿದೆ.