‘ಆಧಾರ್‌’ನಿಂದಾಗಿ ಮನೆ ಸೇರಿದ ಮಾನಸಿಕ ಅಸ್ವಸ್ಥೆ

Team Udayavani, Apr 9, 2018, 9:00 AM IST

ಹೊಸದಿಲ್ಲಿ: ನಾಲ್ಕು ತಿಂಗಳ ಹಿಂದೆ ಕಾಣೆಯಾಗಿದ್ದ ಮಾನಸಿಕ ಅಸ್ವಸ್ಥ ಮಹಿಳೆ ಆಧಾರ್‌ ನೆರವಿನಿಂದಾಗಿ ಮತ್ತೆ ತನ್ನ ಕುಟುಂಬ ಸೇರಿದ್ದಾಳೆ. ದಿಲ್ಲಿ ರಸ್ತೆಯ ಕಾಶ್ಮೀರಿ ಗೇಟ್‌ ಬಳಿ ಫೆಬ್ರವರಿಯಲ್ಲಿ ಪತ್ತೆಯಾಗಿದ್ದ 31 ವರ್ಷದ ಈ ಮಹಿಳೆಯನ್ನು ಪೊಲೀಸರು ರಕ್ಷಿಸಿದ್ದರು. ನಂತರ ಸ್ಥಳೀಯ ನ್ಯಾಯಾಲಯ ಆಕೆಯನ್ನು ತಾತ್ಕಾಲಿಕ ನಿರಾಶ್ರಿತರ ಕೇಂದ್ರಕ್ಕೆ ಸೇರಿಸಿ, ಆಧಾರ್‌ ನೋಂದಣಿ ಮಾಡಿಸಲು ಸೂಚಿಸಿತ್ತು. ಅದರಂತೆ ಆಕೆಯ ಆಧಾರ್‌ ನೋಂದಣಿ ಮಾಡಿಸುವಾಗ ಈ ಹಿಂದೆಯೇ ಆಕೆ ನೋಂದಣಿ ಮಾಡಿಸಿರುವ ದಾಖಲೆ ಬಹಿರಂಗಗೊಂಡಿವೆ. ಮಾಹಿತಿ ಆಧರಿಸಿ ಆಕೆಯ ಪತಿಯನ್ನು ಸಂಪರ್ಕಿಸಿದ ಪೊಲೀಸರು, ಸೂಕ್ತ ಚಿಕಿತ್ಸೆ ಕೊಡಿಸುವಂತೆ ಸೂಚಿಸಿದ್ದಾರೆ.