Delhi Pollution: ಕೃಷಿ ತ್ಯಾಜ್ಯ ಸುಟ್ಟರೆ ರೈತರಿಗೆ ಇನ್ನು ದುಪ್ಪಟ್ಟು ದಂಡ!

Team Udayavani, Nov 8, 2024, 12:49 AM IST

ಹೊಸದಿಲ್ಲಿ: ದಿಲ್ಲಿಯಲ್ಲಿ ದಿನದಿಂದ ದಿನಕ್ಕೆ ವಾಯು ಗುಣಮಟ್ಟ ಕಳಪೆಯಾಗುತ್ತಿರುವುದನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಹೆಜ್ಜೆ ಇಟ್ಟಿರುವ ಕೇಂದ್ರ ಸರಕಾರ‌, ಕೃಷಿ ತ್ಯಾಜ್ಯಗಳನ್ನು (ಭತ್ತದ ಕೂಳೆ) ಸುಡುವ ರೈತರಿಗೆ ದುಪ್ಪಟ್ಟು ದಂಡ ವಿಧಿಸುವುದಾಗಿ ಘೋಷಿಸಿದೆ.

5 ಎಕ್ರೆಗಿಂತ ಹೆಚ್ಚಿನ ಭೂಮಿ ಹೊಂದಿರುವ ರೈತರು ಕೂಳೆ ಸುಟ್ಟರೆ 30,000 ರೂ. ದಂಡ ತೆರಬೇಕಾಗುತ್ತದೆ. 2 ಎಕ್ರೆಗಿಂತ ಕಡಿಮೆ ಭೂಮಿ ಹೊಂದಿರುವ ರೈತರು ಕೂಳೆ ಸುಟ್ಟರೆ,  2,500 ರೂ.ದಂಡ ವಿಧಿಸಲಾಗುತ್ತಿತ್ತು. ಅದನ್ನೀಗ 5 ಸಾವಿರ ರೂ.ಗೆ ಏರಿಸಲಾಗಿದೆ. 2- 5 ಎಕ್ರೆ ಭೂ ಮಾಲಕರಿಗೆ ಇದ್ದ 5,000 ರೂ. ದಂಡವನ್ನು 10,000 ರೂ.ಗೆ ಏರಿಸಲಾಗಿದೆ.

ಎನ್‌ಸಿಆರ್‌ನಲ್ಲಿ ವಾಯು ಗುಣಮಟ್ಟ ಕಳಪೆಯಾಗುವಲ್ಲಿ  ಶೇ.30 ರಷ್ಟು ಪಾಲು ಕೃಷಿತ್ಯಾಜ್ಯ ಸುಡುವಿಕೆಯಿಂದ ಆಗುತ್ತಿದೆ ಎಂದು ಸರಕಾರ‌ ಹೇಳಿದೆ.