ಯುವತಿಯಿದ್ದ ಸ್ಕೂಟಿಯನ್ನು 12 ಕಿ.ಮೀ. ಎಳೆದೊಯ್ದ ಕಾರು!

Team Udayavani, Jan 1, 2023, 10:01 PM IST

ನವದೆಹಲಿ: ಭಾನುವಾರ ಮುಂಜಾನೆ ದೆಹಲಿಯಲ್ಲಿ ಭೀಕರ ಅಪಘಾತವೊಂದು ಸಂಭವಿಸಿದೆ.

ಕಾರೊಂದು ಸ್ಕೂಟಿಗೆ ಡಿಕ್ಕಿ ಹೊಡೆದಿದ್ದಲ್ಲದೆ, ಸುಮಾರು 12 ಕಿ.ಮೀ. ದೂರದವರೆಗೆ ಸ್ಕೂಟಿಯನ್ನು ಎಳೆದೊಯ್ದ ಘಟನೆ ನಡೆದಿದೆ. ಸ್ಕೂಟಿ ಚಲಾಯಿಸುತ್ತಿದ್ದ 20ರ ಯುವತಿ ಅಂಜಲಿ ಸಾವಿಗೀಡಾಗಿದ್ದಾರೆ.

ಕಾರಿನಲ್ಲಿ ಐವರು ಯುವಕರಿದ್ದರು. ಕಾರು ಸ್ಕೂಟಿಗೆ ಡಿಕ್ಕಿ ಹೊಡೆದರೂ, ಕಾರು ನಿಲ್ಲಿಸದೇ ಮುಂದೆ ಸಾಗಿದ್ದಾರೆ. ಸ್ಕೂಟಿಯೊಂದಿಗೇ ಕೆಳಗೆ ಬಿದ್ದ ಅಂಜಲಿಯ ಕಾಲುಗಳು ಕಾರಿನ ತಳಭಾಗಕ್ಕೆ ಸಿಲುಕಿಕೊಂಡ ಕಾರಣ, 12 ಕಿ.ಮೀ. ದೂರದವರೆಗೂ ಸ್ಕೂಟಿಯೊಂದಿಗೆ ಅಂಜಲಿ ಕೂಡ ಎಳೆಯಲ್ಪಟ್ಟಿದ್ದಾರೆ.

ಅಪಘಾತ ನಡೆದ 12 ಕಿ.ಮೀ. ದೂರದಲ್ಲಿ ಮೃತದೇಹ ಪತ್ತೆಯಾಗಿದೆ.ಆದರೆ, “ನನ್ನ ಮಗಳ ಮೃತದೇಹದಲ್ಲಿ ಒಂದು ತುಂಡೂ ಬಟ್ಟೆಯಿರಲಿಲ್ಲ. ಆಕೆಯ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಿ ಕೊಂದಿರಬಹುದು’ ಎಂದು ಅಂಜಲಿಯ ತಾಯಿ ಆರೋಪಿಸಿದ್ದಾರೆ. ಘಟನೆ ಸಂಬಂಧ ಐವರನ್ನು ಬಂಧಿಸಲಾಗಿದೆ.