ಕಳೆಗೆ ಬೆಂಕಿ: ದೆಹಲಿ ವಾಯು ಗುಣಮಟ್ಟ ಹೆಚ್ಚು ವಿಷಮಯ

Team Udayavani, Oct 29, 2022, 10:30 PM IST

ನವದೆಹಲಿ: ಪಂಜಾಬ್‌ ಮತ್ತು ಹರ್ಯಾಣದಲ್ಲಿ ಕಳೆದ ಒಂದು ದಿನದಿಂದ ರೈತರು ಕಳೆ ಸುಡುತ್ತಿರುವ ಪ್ರಕರಣಗಳು ದುಪ್ಪಟ್ಟಾಗಿದ್ದು, ಇದರಿಂದ ಪಕ್ಕದ ದೆಹಲಿಯಲ್ಲಿ ವಾಯು ಗುಣಮಟ್ಟು ಹೆಚ್ಚು ವಿಷಮಯವಾಗಿದೆ.

ಕಳೆಗೆ ಬೆಂಕಿ ಇಡುತ್ತಿರುವ ಕಾರಣದಿಂದಾಗಿ ದೆಹಲಿಯ ವಾಯು ಗುಣಮಟ್ಟ ಶೇ.21ರಷ್ಟು ಹದಗೆಟ್ಟಿದೆ. ಇದು ಈ ಋತುವಿನಲ್ಲಿ ಎರಡನೇ ಅತ್ಯಧಿಕವಾಗಿದೆ.

ಇದೇ ರೀತಿ ಪಕ್ಕದ ನೊಯ್ಡಾದಲ್ಲೂ ವಾಯು ಮಾಲಿನ್ಯ ಅಧಿಕವಾಗಿದೆ. ಅನೇಕ ಸ್ಥಳಗಳಲ್ಲಿ ವಾಯು ಗುಣಮಟ್ಟ ಸೂಚ್ಯಂಕವು ಅತ್ಯಂತ ಕಳಪೆ ಮಟ್ಟಕ್ಕೆ ಇಳಿದಿದೆ. ಇದು ಈ ಋತುವಿನಲ್ಲಿ ವಾಯು ಗುಣಮಟ್ಟವು ಅತ್ಯಂತ ಹೆಚ್ಚು ವಿಷಮಯವಾಗಿದೆ.

ಶುಕ್ರವಾರ ಪಂಜಾಬ್‌ನಲ್ಲಿ 2,067 ಸ್ಥಳಗಳಲ್ಲಿ ರೈತರು ಕಳೆ ಸುಟ್ಟಿದ್ದಾರೆ. ಅದೇ ರೀತಿ ಹರ್ಯಾಣದಲ್ಲಿ 206 ಸ್ಥಳಗಳಲ್ಲಿ ರೈತರು ಕಳೆ ಸುಟ್ಟಿದ್ದಾರೆ.