Aolar power; 90 ದಿನ ಹಾರಬಲ್ಲ ಸೌರಶಕ್ತಿ  ಚಾಲಿತ ವಿಮಾನ ಅಭಿವೃದ್ಧಿ!

Team Udayavani, Sep 16, 2024, 6:50 AM IST

ಹೊಸದಿಲ್ಲಿ: ಭಾರತದ ವಿಜ್ಞಾನಿಗಳು ಸೌರಶಕ್ತಿ ಚಾಲಿತ ವಿಮಾನವನ್ನು ಅಭಿವೃದ್ಧಿಪಡಿಸಿದ್ದಾರೆ. ಇದು ಒಮ್ಮೆಗೆ 90 ದಿನಗಳವರೆಗೆ ಹಾರುವ ಸಾಮರ್ಥ್ಯವನ್ನು ಹೊಂದಿದ್ದು, ಇದರ ಸಣ್ಣ ಆವೃತ್ತಿಯು ಈಗಾಗಲೇ 10 ಗಂಟೆಗಳ ಕಾಲ ಯಶಸ್ವಿಯಾಗಿ ಹಾರಾಟವನ್ನು ನಡೆಸಿದೆ.

ಬಾಹ್ಯಾಕಾಶದ ಅತ್ಯಂತ ಎತ್ತರದ ಪ್ರದೇಶದಲ್ಲಿ (ಹೈ ಆಲ್ಟಿಟ್ಯೂಡ್‌ ಪ್ಲಾಟ್‌ಫಾರ್ಮ್ -ಎಚ್‌ಎಪಿ) ಹಾರಾಟ ನಡೆಸುವ ಇಂಥದ್ದೊಂದು ಮಾನವ ರಹಿತ ವಿಮಾನವನ್ನು ಬೆಂಗಳೂರಿನ ನ್ಯಾಶನಲ್‌ ಏರೋಸ್ಪೇಸ್‌ ಲ್ಯಾಬೊ ರೇಟರೀಸ್‌ ನಿರ್ಮಿಸಿದೆ.   ಈ ವಿಮಾನವು 17-20 ಕಿ.ಮೀ. ಎತ್ತರದಲ್ಲಿ ಹಗಲು ಮತ್ತು ರಾತ್ರಿ ಕಾರ್ಯಾಚರಣೆ ನಡೆಸುವ ಸಾಮರ್ಥ್ಯವನ್ನು ಹೊಂದಿದೆ. ಇಂಥ ಹೈ-ಆಲ್ಟಿಟ್ಯೂಡ್‌ ಪ್ಲಾಟ್‌ ಫಾರ್ಮ್ ರಚಿಸಿದ ಏಕೈಕ ದೇಶ ಎಂಬ ಹೆಗ್ಗಳಿಕೆಗೆ ಭಾರತ ಪಾತ್ರವಾಗಿದೆ. ಈ ವಿಮಾನ ಡ್ರೋನ್‌ಗಳನ್ನು ಹೋಲು ತ್ತವೆ. ಅವುಗಳನ್ನು ಗುಪ್ತಚರ, ಕಣ್ಗಾ ವಲು, ಬೇಹುಗಾರಿಕೆ ಸೇರಿ 5 ಜಿ ತರಂಗಗಳ ಪ್ರಸಾರದವರೆಗೆ ಹಲವಾರು ಉದ್ದೇಶಗಳಿಗಾಗಿ ಬಳಸಬಹುದು. ಇತ್ತೀಚೆಗೆ ನಡೆದ ಇಂಡಿಯಾ ಡಿಫೆನ್ಸ್‌ ಏವಿಯೇಶನ್‌ ಎಕ್‌ನ್ಪೋದಲ್ಲಿ ಇದರ ಪ್ರದರ್ಶನ ನಡೆದಿದೆ.