‘ಆ್ಯಪಲ್ ಮ್ಯಾಕ್‌’ಗೆ ನಿಷೇಧ

Team Udayavani, Aug 27, 2019, 5:01 AM IST

ನವದೆಹಲಿ: 2015ರ ಸೆಪ್ಟೆಂಬರ್‌ನಿಂದ 2017ರ ಫೆಬ್ರವರಿವರೆಗಿನ ಅವಧಿಯಲ್ಲಿ ಮಾರಾಟವಾಗಿರುವ 15 ಇಂಚು ಪರದೆಯುಳ್ಳ ‘ಆ್ಯಪಲ್ ಮ್ಯಾಕ್‌ಬುಕ್‌ ಪ್ರೋ’ ಲ್ಯಾಪ್‌ಟಾಪ್‌ಗ್ಳಲ್ಲಿ ತಾಂತ್ರಿಕ ದೋಷ ಕಂಡುಬಂದಿರುವ ಹಿನ್ನೆಲೆಯಲ್ಲಿ ಆ ಮಾದರಿಯ ಲ್ಯಾಪ್‌ಟಾಪ್‌ಗ್ಳನ್ನು ವಿಮಾನದೊಳಗೆ ತರುವುದನ್ನು ನಿಷೇಧಿಸಿ ನಾಗರಿಕ ವಿಮಾನ ಸೇವೆಗಳ ಮಹಾ ನಿರ್ದೇಶನಾಲಯ (ಡಿಜಿಸಿಎ) ಆದೇಶ ಹೊರಡಿಸಿದೆ. ‘ಆ್ಯಪಲ್ ಮ್ಯಾಕ್‌ಬುಕ್‌ ಪ್ರೋ ಲ್ಯಾಪ್‌ಟಾಪ್‌ಗ್ಳಲ್ಲಿ ಬ್ಯಾಟರಿಗಳು ಅಧಿಕವಾಗಿ ಶಾಖಕ್ಕೊಳಗಾಗಿ, ಸ್ಫೋಟವಾಗುವ ಸಾಧ್ಯತೆಗಳು ಕಂಡುಬಂದಿರುವುದರಿಂದ ಆ ಲ್ಯಾಪ್‌ಟಾಪ್‌ಗ್ಳನ್ನು ಬಳಸಕೂಡದೆಂದು ಆ್ಯಪಲ್ ಕಂಪನಿಯೇ ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ. ಈ ಹಿನ್ನೆಲೆಯಲ್ಲಿ ಅವುಗಳನ್ನು ವಿಮಾನದೊಳಗೆ ಚೆಕ್‌-ಇನ್‌ ಲಗೇಜಿನ ಜತೆಗಾಗಲಿ, ಹ್ಯಾಂಡ್‌ಬ್ಯಾಗ್‌ಗಳ ಮೂಲಕವಾಗಲೀ ಕೊಂಡೊಯ್ಯುವಂತಿಲ್ಲ’ ಎಂದು ಡಿಜಿಸಿಎ ಮುಖ್ಯಸ್ಥ ಅರುಣ್‌ ಕುಮಾರ್‌, ಸೋಮವಾರ ಟ್ವೀಟ್ ಮಾಡಿದ್ದಾರೆ.