ಕಾಡ್ಗಿಚ್ಚಿಗೆ ಬಲಿಯಾದ ಟ್ರೆಕ್ಕಿಂಗ್‌ ಪ್ರೇಮ

Team Udayavani, Mar 14, 2018, 2:52 PM IST

ಕೊಯಮತ್ತೂರು: ಆ ಹುಡುಗಿಯ ಹೆಸರು ದಿವ್ಯಾ. ಕೊಯಮತ್ತೂರಿನ ಕಿನಾದುಕಡವು ಊರಿನವರು. ಎಂ.ಇ. ಪದವೀಧರೆ. ಟ್ರೆಕ್ಕಿಂಗನ್ನು ಅಗಾಧವಾಗಿ ಪ್ರೀತಿಸುತ್ತಿದ್ದ ಆಕೆ, ತನ್ನ ಬಾಳ ಸಂಗಾತಿಯೂ ತನ್ನಂತೆಯೇ ಟ್ರೆಕ್ಕಿಂಗ್‌ ಇಷ್ಟಪಡುವಂಥವನಾಗಿರಬೇಕೆಂದು ಕನಸು ಕಂಡಿದ್ದಳು. ಹಾಗಾಗಿಯೇ, ಟ್ರೆಕ್ಕಿಂಗ್‌ನಲ್ಲೇ ಭೇಟಿಯಾದ ವಿಬಿನ್‌ ಎಂಬಾತನನ್ನು ಪ್ರೀತಿಸಿ ಮದುವೆ ಯಾಗಿದ್ದಳು. ಆದರೀಗ, ವಿಧಿ ಯೆಂಬುದು ಅವರಿಬ್ಬರ ಪ್ರೀತಿಯನ್ನು ಟ್ರೆಕ್ಕಿಂಗ್‌ನಲ್ಲಿಯೇ ಅಂತ್ಯಗೊಳಿಸಿದೆ. 

ತಮಿಳುನಾಡಿನ ಥೇಣಿ ಜಿಲ್ಲೆಯ ಕುರಂಗಣಿ ಅರಣ್ಯದಲ್ಲಿ ಟ್ರಿಕ್ಕಿಂಗ್‌ನಲ್ಲಿ ನಿರತರಾಗಿದ್ದ ತಂಡವೊಂದು ಭಾನುವಾರದ ಕಾಡ್ಗಿಚ್ಚಿಗೆ ಸಿಲುಕಿದಾಗ ಮೃತಪಟ್ಟ 9 ಮಂದಿಯಲ್ಲಿ ದಿವ್ಯಾ ಅವರ ಪತಿ ವಿಬಿನ್‌ ಸಹ ಒಬ್ಬರು. ಅತ್ತ, ದಿವ್ಯಾ ಅವರಿಗೂ ಶೇ. 90ರಷ್ಟು ಸುಟ್ಟಗಾಯಗಳಾಗಿದ್ದು, ಸದ್ಯಕ್ಕೆ ಮಧುರೈನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆ ಯುತ್ತಿದ್ದಾರೆ. ಮತ್ತೂಂದು ಘೋರ ವೆಂದರೆ, ಈ ಟ್ರೆಕ್ಕಿಂಗ್‌ ಆಯೋಜಕರಲ್ಲಿ ದಿವ್ಯಾ ಸಹ ಒಬ್ಬರು. ತಾವು ಸಹ ಆಯೋಜಕರಾಗಿದ್ದ ಕಾರ್ಯಾಚರಣೆ ಯಲ್ಲೇ ಪತಿಯನ್ನೂ ಕಳೆದುಕೊಂಡಿರು ವುದು ದುರ್ದೈವದ ಸಂಗತಿಯಾಗಿದೆ.