ಡೀಸೆಲ್‌ ಅನಿರೀಕ್ಷಿತ ಲಾಭ ತೆರಿಗೆ ಇಳಿಕೆ: ಕಚ್ಚಾ ತೈಲ ಶುಲ್ಕ ಹೆಚ್ಚಳ

Team Udayavani, Aug 3, 2022, 7:16 PM IST

ನವದೆಹಲಿ: ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕಚ್ಚಾ ತೈಲದ ಬೆಲೆ ಇಳಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರ ಡೀಸೆಲ್‌ ಮತ್ತು ವೈಮಾನಿಕ ಇಂಧನ (ಎಟಿಎಫ್) ಮೇಲಿನ ಅನಿರೀಕ್ಷಿತ ಲಾಭ ತೆರಿಗೆ (ವಿಂಡ್‌ಫಾಲ್‌ ಟ್ಯಾಕ್ಸ್‌) ಪ್ರಮಾಣವನ್ನು ಇಳಿಕೆ  ಮಾಡಿದೆ.

ಡೀಸೆಲ್‌ ಮತ್ತು ಎಟಿಎಫ್ ಮೇಲಿನ ಅನಿರೀಕ್ಷಿತ ಲಾಭ ತೆರಿಗೆ (ವಿಂಡ್‌ಫಾಲ್‌ ಟ್ಯಾಕ್ಸ್‌) ಪ್ರಮಾಣವನ್ನು ಇಳಿಕೆ ಮಾಡಿರುವ ಜತೆಗೆ ದೇಶೀಯವಾಗಿ ಉತ್ಪಾದನೆ ಮಾಡುವ ಕಚ್ಚಾ ತೈಲದ ಮೇಲೆ ವಿಧಿಸಲಾಗುವ ಶುಲ್ಕವನ್ನು ಹೆಚ್ಚಿಸಿದೆ. ರಫ್ತು ಮಾಡುವ ಡೀಸೆಲ್‌ ಮೇಲಿನ ತೆರಿಗೆಯನ್ನು ಪ್ರತಿ ಲೀಟರ್‌ಗೆ 11 ರೂ.ಗಳಿಂದ 5 ರೂ.ಗೆ ಇಳಿಕೆ ಮಾಡಲಾಗಿದೆ.

ಇದನ್ನೂ ಓದಿ: ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳಲ್ಲಿ 34,000 ಕ್ಕೂ ಹೆಚ್ಚು ಮಹಿಳಾ ಅಭ್ಯರ್ಥಿ

ಇನ್ನೊಂದೆಡೆ ದೇಶಿಯವಾಗಿ ಉತ್ಪಾದಿಸುವ ಲೆವಿಯನ್ನು ಪ್ರತಿ ಟನ್‌ ಕಚ್ಚಾ ತೈಲಕ್ಕೆ 17 ಸಾವಿರ ರೂ.ಗಳಿಂದ 17,750ರೂ.ಗೆ ಏರಿಕೆ ಮಾಡಲಾಗಿದೆ.