2ಕ್ಕಿಂತ ಹೆಚ್ಚು ಮಕ್ಕಳಿದ್ದರೆ ಮತ ಹಕ್ಕು ಬೇಡ

Team Udayavani, Nov 5, 2018, 8:39 AM IST

ಹೊಸದಿಲ್ಲಿ: “ಎರಡಕ್ಕಿಂತ ಹೆಚ್ಚು ಮಕ್ಕಳನ್ನು ಹೊಂದಿರುವವರಿಗೆ ಮತದಾನದ ಹಕ್ಕನ್ನು ನೀಡಬಾರದು. ನನ್ನಂಥ ಬ್ರಹ್ಮಚಾರಿಗಳಿಗೆ ವಿಶೇಷ ಗೌರವ ನೀಡಿ, ಸನ್ಮಾನಿಸಬೇಕು.’ ಹೀಗೆಂದು ಹೇಳಿದ್ದು ಯೋಗಗುರು ಬಾಬಾ ರಾಮದೇವ್‌.

ಹರಿದ್ವಾರದ ತಮ್ಮ ಆಶ್ರಮದಲ್ಲಿ ಜನಸಂಖ್ಯೆ ನಿಯಂತ್ರಣ ಕುರಿತು ಮಾತನಾಡಿದ ಅವರು, ಎರಡಕ್ಕಿಂತ ಹೆಚ್ಚು ಮಕ್ಕಳನ್ನು ಪಡೆಯುವ ದಂಪತಿಗೆ ಮತದಾನದ ಹಕ್ಕು ಕೊಡಬಾರದು. ವೇದಗಳಲ್ಲಿ ಒಂದು ದಂಪತಿ 10 ಮಕ್ಕಳನ್ನು ಪಡೆಯಲು ಅವಕಾಶ ಇದೆ. ಆದರೆ ಈಗ ಜನಸಂಖ್ಯೆ 120 ಕೋಟಿ ದಾಟಿರುವಾಗ ಇದು ಸಾಧ್ಯವಿಲ್ಲ.  ವಿವಾಹಿತರು ಕುಟುಂಬ ಪೋಷಿಸಲು ಕಷ್ಟಪಡುತ್ತಾರೆ. ನಮಗೆ ಯಾರೂ ಇಲ್ಲ. ಆದರೂ ಸುಖವಾಗಿದ್ದೇವೆ. ನಮ್ಮಂಥವರಿಗೆ ಸರಕಾರ ಉತ್ತೇಜನ ನೀಡಬೇಕು ಎಂದಿದ್ದಾರೆ.