Uttar Pradesh: ಮಹಾಕುಂಭಮೇಳ ರಕ್ಷಣೆಗೆ ನೀರಿನಾಳದಲ್ಲೂ ಡ್ರೋನ್‌!

Team Udayavani, Dec 30, 2024, 7:50 AM IST

ಮಹಾಕುಂಭ ನಗರ: ಇದೇ ಮೊದಲ ಬಾರಿಗೆ ಮಹಾಕುಂಭಮೇಳದ ಸುರಕ್ಷೆಯನ್ನು ಪೂರ್ಣವಾಗಿ ಡ್ರೋನ್‌ಗೆ ವಹಿ­ಸಲಾಗಿದೆ. ಇದಕ್ಕಾಗಿ ನೀರಿನಾಳದಲ್ಲಿ ಸಂಚ­­ರಿ­ಸುವ ಹಾಗೂ ಹಾರುವ ಡ್ರೋನ್‌ಗಳನ್ನು ಬಳಕೆ ಮಾಡಿಕೊಳ್ಳಲಾಗುತ್ತಿದೆ.

ನೀರಿನಾಳದಲ್ಲಿ ಈ ಡ್ರೋನ್‌ಗಳು 100 ಮೀ. ಮುಳುಗುವ ಸಾಮರ್ಥ್ಯ ಹೊಂದಿದೆ. ಅಲ್ಲದೇ ಮೊದಲ ಬಾರಿಗೆ ಟೆಥರ್ಡ್‌ ಡ್ರೋನ್‌ಗಳನ್ನು ಬಳಕೆ ಮಾಡ­ಲಾಗುತ್ತಿದೆ. ಈ ಡ್ರೋನ್‌ಗಳು ವಯರ್‌ ಮೂಲಕ ಸಂಪರ್ಕ ಹೊಂದಿರುವುದ­ರಿಂದ ನಿರಂತರವಾಗಿ ಕಾರ್ಯನಿರ್ವಹಿಸ­ಲಿವೆ. ಇವುಗಳು ಅನುಮಾನಾಸ್ಪದ ವಸ್ತು­ಗಳ ನಿಖರ ಮಾಹಿತಿ ನೀಡಬಲ್ಲವು ಎಂದು ಪೊಲೀಸ್‌ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಇದಲ್ಲದೇ ನದಿಯುದ್ದಕ್ಕೂ 700 ರಕ್ಷಣ ಬೋಟ್‌ಗಳನ್ನು ನಿಯೋಜನೆ ಮಾಡಲಾಗಿದೆ.

ಮಹಾಕುಂಭಮೇಳಕ್ಕೆ ಸುಮಾರು 45 ಕೋಟಿ ಭಕ್ತರು ಆಗಮಿಸುವ ನಿರೀಕ್ಷೆ ಇದ್ದು, ಕುಂಭಮೇಳ ನಡೆವ ಸಂಗಮ ಪ್ರದೇಶದಲ್ಲಿ ಭಾರೀ ಭದ್ರತೆ ವಹಿ­ಸಲಾಗಿದೆ. ಡ್ರೋನ್‌ಗಳ ಜತೆಗೆ 2700 ಕೆಮರಾಗಳನ್ನೂ ಅಳವಡಿಸಲಾಗಿದೆ.

ಬಿಗಿ ಭದ್ರತೆ: ಭದ್ರತೆ ನೋಡಿಕೊ­ಳ್ಳಲು 56 ಸೈಬರ್‌ ತಜ್ಞರನ್ನು ನಿಯೋಜಿಸಿದ್ದು, ಇವರು ಆನ್ಲೈನ್ ನಲ್ಲಿ ಬರಬಹುದಾದ ಆತಂಕಗಳನ್ನು ಪತ್ತೆ ಹಚ್ಚಲಿದ್ದಾರೆ.