Chhattisgarh ಸಿಎಂ ಬಘೇಲ್‌ರ ಸಲಹೆಗಾರ,ವಿಶೇಷ ಅಧಿಕಾರಿ ಮನೆಯಲ್ಲಿ ಇಡಿ ಶೋಧ

Team Udayavani, Aug 23, 2023, 2:22 PM IST

ರಾಯ್‌ಪುರ: ಛತ್ತೀಸ್‌ಗಢ ಮುಖ್ಯಮಂತ್ರಿ ಭೂಪೇಶ್ ಬಘೇಲ್ ಅವರ ರಾಜಕೀಯ ಸಲಹೆಗಾರ ವಿನೋದ್ ವರ್ಮಾ ಮತ್ತು ವಿಶೇಷ ಕರ್ತವ್ಯಾಧಿಕಾರಿ (OSD) ಅವರ ನಿವಾಸಗಳ ಆವರಣದಲ್ಲಿ ಜಾರಿ ನಿರ್ದೇಶನಾಲಯ (ಇಡಿ) ಬುಧವಾರ ಶೋಧ ನಡೆಸಿದೆ ಎಂದು ಮೂಲಗಳು ತಿಳಿಸಿವೆ.

ದುರ್ಗ್‌ನ ಉದ್ಯಮಿಯೊಬ್ಬರ ನಿವಾಸದಲ್ಲಿಯೂ ಶೋಧ ನಡೆಸಲಾಗಿದೆ ಎಂದು ಅವರು ತಿಳಿಸಿದ್ದಾರೆ. ಶೋಧ ನಡೆಸಲು ನಿಖರವಾದ ಕಾರಣ ಇನ್ನೂ ತಿಳಿದುಬಂದಿಲ್ಲ.

ಇಡಿ ಕ್ರಮಕ್ಕೆ ಪ್ರತಿಕ್ರಿಯಿಸಿದ ಸಿಎಂ ಬಘೇಲ್, ಎಕ್ಸ್‌ನಲ್ಲಿ ”ಗೌರವಾನ್ವಿತ ಪ್ರಧಾನಿ ಮತ್ತು ಶ್ರೀ ಅಮಿತ್ ಶಾ! ನನ್ನ ರಾಜಕೀಯ ಸಲಹೆಗಾರ, ಮತ್ತು ಆಪ್ತ ಸಹಾಯಕರ ಮೇಲೆ ಇಡಿಯನ್ನು ಕಳುಹಿಸುವ ಮೂಲಕ ನನ್ನ ಜನ್ಮದಿನದಂದು ನೀವು ನನಗೆ ನೀಡಿದ ಅಮೂಲ್ಯವಾದ ಉಡುಗೊರೆಗೆ ತುಂಬಾ ಧನ್ಯವಾದಗಳು ಎಂದು ವ್ಯಂಗ್ಯ ಪೋಸ್ಟ್‌ ಮಾಡಿದ್ದಾರೆ.

ರಾಜ್ಯ ರಾಜಧಾನಿ ರಾಯಪುರದ ದೇವೇಂದ್ರ ನಗರದಲ್ಲಿರುವ ಆಫೀಸರ್ಸ್ ಕಾಲೋನಿಯಲ್ಲಿರುವ ವಿನೋದ್ ವರ್ಮಾ ಅವರ ನಿವಾಸದಲ್ಲಿ ಕೆಲವು ಅರೆಸೇನಾಪಡೆ ಸಿಬ್ಬಂದಿ ಕಾಣಿಸಿಕೊಂಡಿದ್ದಾರೆ.