ಸಿಟಿ ರೌಂಡ್ಸ್‌ ಹೊಡೆದ ತುಂಟ ಆನೆ!: ವಿಡಿಯೋ ವೈರಲ್‌

Team Udayavani, Aug 31, 2022, 8:10 AM IST

ಅಸ್ಸಾಂ: ಹಸಿವಿನಲ್ಲಿದ್ದ ಆನೆಯೊಂದು, ನದಿಯಲ್ಲಿ ಈಜಿಕೊಂಡು ಬಂದು, ನಗರವನ್ನೆಲ್ಲ ಸುತ್ತಿರುವ ಘಟನೆ ಅಸ್ಸಾಂನ ತೇಜ್‌ಪುರ ನಗರದಲ್ಲಿ ನಡೆದಿದೆ.

ಕಾಜಿರಂಗ ರಾಷ್ಟ್ರೀಯ ಉದ್ಯಾನದ ಆನೆಯು ಭಾನುವಾರ ರಾತ್ರಿ ಬ್ರಹ್ಮಪುತ್ರಾ ನದಿಯಲ್ಲಿ ಈಜಿಕೊಂಡು ತೇಜ್‌ಪುರ ನಗರ ತಲುಪಿದೆ. ಅಲ್ಲಿ ಅದು ಪೂರ್ತಿ ನಗರವನ್ನು ಸುತ್ತಿದೆ. ಚನ್‌ಮರಿ ಪ್ರದೇಶದಲ್ಲಿ ಮನೆಯೊಂದರ ಅಡುಗೆ ಕೋಣೆಗೂ ನುಗ್ಗಿದೆ. ರಸ್ತೆಯಲ್ಲಿ ತೆರಳುವಾಗ ಪಕ್ಕದಲ್ಲಿ ನಿಲ್ಲಿಸಿದ್ದ ಬೈಕ್‌ ಒಂದನ್ನು ಕಾಲಿನಲ್ಲಿ ಒದ್ದು ಬೀಳಿಸಿದೆ.

ಸೋಮವಾರ ಮುಂಜಾನೆ 3 ಗಂಟೆಯ ಹೊತ್ತಿಗೆ ಆನೆಯನ್ನು ಅರಣ್ಯ ಅಧಿಕಾರಿಗಳು ಸೆರೆ ಹಿಡಿದಿದ್ದಾರೆ. ಆನೆಯು ಬೈಕ್‌ನ್ನು ಒದ್ದು ಬೀಳಿಸಿದ ವಿಡಿಯೋ ಎಲ್ಲೆಡೆ ಹರಿದಾಡಿದ್ದು ವೈರಲ್‌ ಆಗಿದೆ.

?wild elephant enters tezpur. scene from chandmari-railgate area. pic.twitter.com/N5Gnt8HioK

— vishal junak das (@junaaaak) August 27, 2022