ಇಮ್ರಾನ್‌ ಅಡಿ ಉತ್ತಮ ಭಾರತ-ಪಾಕ್‌ ಸಂಬಂಧ: ಫಾರೂಕ್‌ ಆಶಯ

Team Udayavani, Sep 8, 2018, 4:55 PM IST

ಶ್ರೀನಗರ : ಪಾಕ್‌ ಪ್ರಧಾನಿಯಾಗಿ ಇಮ್ರಾನ್‌ ಖಾನ್‌ ಅವರು ಅಧಿಕಾರಕ್ಕೆ ಬಂದಿರುವುದನ್ನು ಅನುಸರಿಸಿ ಹೊಸದಿಲ್ಲಿ ಮತ್ತು ಇಸ್ಲಾಮಾಬಾದ್‌ ನಡುವಿನ ಸಂಬಂಧಗಳು ಸುಧಾರಿಸುವುದೆಂಬ ಆಶಾಭಾವನೆಯನ್ನು  ನ್ಯಾಶನಲ್‌ ಕಾನ್ಫರೆನ್ಸ್‌ ಅಧ್ಯಕ್ಷ ಫಾರೂಕ್‌ ಅಬ್ದುಲ್ಲ ವ್ಯಕ್ತಪಡಿಸಿದ್ದಾರೆ.

ನೆರೆಯ ದೇಶದೊಂದಿಗಿನ ಸಂಬಂಧಗಳನ್ನು ಸುಧಾರಿಸುವ ದಿಶೆಯಲ್ಲಿ ಮಾಜಿ ಪ್ರಧಾನಿ ದಿವಂಗತ ಅಟಲ್‌ ಬಿಹಾರಿ ವಾಜಪೇಯಿ ಇಟ್ಟಿದ್ದ ಹೆಜ್ಜೆಗಳನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಅನುಸರಿಸುವರೆಂಬ ಆಶಾವಾದವನ್ನೂ ಅಬ್ದುಲ್ಲ ವ್ಯಕ್ತಪಡಿಸಿದರು. 

ಪಕ್ಷದ ಸ್ಥಾಪಕ ಮತ್ತು ತಮ್ಮ ತಂದೆ ಶೇಖ್‌ ಮೊಹಮ್ಮದ್‌ ಅಬ್ದುಲ್ಲ ಅವರು 36ನೇ ಪುಣ್ಯತಿಥಿಯ ಸಂದರ್ಭದಲ್ಲಿ ಪಕ್ಷದ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡುತ್ತಿದ್ದ ಅವರು, “ಭಾರತ ಮತ್ತು ಪಾಕಿಸ್ಥಾನ ನಡುವೆ ಉತ್ತಮ ಸ್ನೇಹ ಸೌಹಾರ್ದ ಸಂಬಂಧಗಳು ಏರ್ಪಟ್ಟಾಗಲೇ ನಮ್ಮೆಲ್ಲ ಸಮಸ್ಯೆಗಳು ನಿವಾರಣೆಯಾಗಲು ಸಾಧ್ಯ’ ಎಂದು ಹೇಳಿದರು.