ಮೊದಲ ಎಸ್‌-400 ಸ್ಕ್ವಾಡ್ರನ್‌ ಪಂಜಾಬ್‌ನಲ್ಲಿ ನಿಯೋಜನೆ

Team Udayavani, Dec 21, 2021, 9:15 PM IST

ನವದೆಹಲಿ: ಭಾರತದ ವಾಯು ರಕ್ಷಣಾ ಸಾಮರ್ಥ್ಯಕ್ಕೆ ಮತ್ತಷ್ಟು ಬಲ ತುಂಬುವಂತೆ, ಐಎಎಫ್  ಎಸ್‌-400 ಕ್ಷಿಪಣಿ ವ್ಯವಸ್ಥೆಯ ಮೊದಲ ಸ್ಕ್ವಾಡ್ರನ್‌ ಅನ್ನು ಪಂಜಾಬ್‌ ವಲಯದಲ್ಲಿ ನಿಯೋಜಿಸಲು ನಿರ್ಧರಿಸಿದೆ.

ನೆರೆಯ ಪಾಕಿಸ್ತಾನ ಮತ್ತು ಚೀನಾದಿಂದ ಎದುರಾಗಬಹುದಾದ ವೈಮಾನಿಕ ಅಪಾಯವನ್ನು ಸಮರ್ಥವಾಗಿ ಎದುರಿಸುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ.

ಈ ತಿಂಗಳ ಆರಂಭದಿಂದಲೇ ರಷ್ಯಾದಿಂದ ಕ್ಷಿಪಣಿ ವ್ಯವಸ್ಥೆಯ ಭಾಗಗಳು ಭಾರತವನ್ನು ತಲುಪಲು ಆರಂಭವಾಗಿವೆ. ಕೆಲವೇ ವಾರಗಳಲ್ಲಿ ಇದು ಸಂಪೂರ್ಣವಾಗಿ ಕಾರ್ಯಾರಂಭ ಮಾಡಲಿವೆ.

ಸುಮಾರು 400 ಕಿ.ಮೀ. ದೂರದಿಂದ ಬರುವ ವೈಮಾನಿಕ ಅಪಾಯವನ್ನು ಎದುರಿಸುವಂಥ ಶಕ್ತಿ ಎಸ್‌-400ಗೆ ಇದೆ. ಪ್ರಸಕ್ತ ವರ್ಷದ ಅಂತ್ಯದಲ್ಲಿ ಮೊದಲ ಸ್ಕ್ವಾಡ್ರನ್‌ ಪೂರೈಕೆ ಪೂರ್ಣಗೊಳ್ಳಲಿದೆ ಎಂದು ಮೂಲಗಳು ತಿಳಿಸಿವೆ.

ಇದನ್ನೂ ಓದಿ:ವಿಐನೊಂದಿಗೆ ಹಂಗಾಮಾ ಸಹಯೋಗ : 6 ತಿಂಗಳ ಹಂಗಾಮಾ ಪ್ರೀಮಿಯಂ ಉಚಿತ

ಮೊದಲ ಸ್ಕ್ವಾಡ್ರನ್‌ ನಿಯೋಜನೆಯಾದ ಬಳಿಕ ವಾಯುಪಡೆಯು ಪೂರ್ವ ಗಡಿಯತ್ತ ಗಮನ ಹರಿಸಲಿದ್ದು, ದೇಶದೊಳಗೇ ಸಿಬ್ಬಂದಿಗೆ ತರಬೇತಿ ನೀಡಲು ಅಗತ್ಯವಿರುವ ಸಂಪನ್ಮೂಲಗಳನ್ನು ಒದಗಿಸಲಿದೆ ಎಂದೂ ಮೂಲಗಳು ಹೇಳಿವೆ.