DGCA ನಿಂದ ಏರ್ ಇಂಡಿಯಾಗೆ ಶೋಕಾಸ್ ನೋಟಿಸ್; ವಿಮಾನಗಳ ವಿಳಂಬ…

Team Udayavani, May 31, 2024, 5:18 PM IST

ಹೊಸದಿಲ್ಲಿ: ಕನಿಷ್ಠ ಎರಡು ಅಂತಾರಾಷ್ಟ್ರೀಯ ವಿಮಾನಗಳ ವಿಳಂಬ ಮತ್ತು ಪ್ರಯಾಣಿಕರ ಬಗ್ಗೆ ಸರಿಯಾದ ಕಾಳಜಿ ವಹಿಸದ ಕಾರಣಕ್ಕಾಗಿ ಏವಿಯೇಷನ್ ​​ವಾಚ್‌ಡಾಗ್ ಡಿಜಿಸಿಎ ಶುಕ್ರವಾರ ಏರ್ ಇಂಡಿಯಾಗೆ ಶೋಕಾಸ್ ನೋಟಿಸ್ ನೀಡಿದೆ.

ದೆಹಲಿಯಿಂದ ಸ್ಯಾನ್ ಫ್ರಾನ್ಸಿಸ್ಕೋಗೆ ಗುರುವಾರ 15.30 ಕ್ಕೆ ಸರಿಯಾಗಿ ಹೋಗಬೇಕಾಗಿದ್ದ ಏರ್ ಇಂಡಿಯಾ ವಿಮಾನದ ಪ್ರಯಾಣಿಕರು ಒಂದು ದಿನದಷ್ಟು ಅತಿಯಾದ ವಿಳಂಬದಿಂದಾಗಿ ಯಾತನೆ ಎದುರಿಸಿದ ಬೆನ್ನಲ್ಲೇ ಶೋಕಾಸ್ ನೋಟಿಸ್ ಬಂದಿದೆ.ವಿಮಾನ ಶುಕ್ರವಾರ ಮಧ್ಯಾಹ್ನ ಟೇಕ್ ಆಫ್ ಮಾಡಲಾಗಿದೆ.

ಶೋಕಾಸ್ ನೋಟಿಸ್‌ನಲ್ಲಿ, ನಿಯಂತ್ರಕರು ಮೇ 30 ರಂದು ದೆಹಲಿಯಿಂದ ಸ್ಯಾನ್ ಫ್ರಾನ್ಸಿಸ್ಕೋಗೆ AI 183 ಮತ್ತು ಮೇ 24 ರಂದು ಮುಂಬೈನಿಂದ ಸ್ಯಾನ್ ಫ್ರಾನ್ಸಿಸ್ಕೋಗೆ AI 179 ಎಂಬ ಎರಡು ಅಂತಾರರಾಷ್ಟ್ರೀಯ ವಿಮಾನಗಳ ಅತಿಯಾದ ವಿಳಂಬದ ಬಗ್ಗೆ ಉಲ್ಲೇಖಿಸಿದ್ದಾರೆ.

ನಾಗರಿಕ ವಿಮಾನಯಾನ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ ಅವರು ವಿಮಾನ ವಿಳಂಬ ಮತ್ತು ಪ್ರಯಾಣಿಕರಿಗೆ ಉಂಟಾದ ಅನಾನುಕೂಲತೆಯನ್ನು ಗಮನದಲ್ಲಿಟ್ಟುಕೊಂಡಿದ್ದು, ಡಿಜಿಸಿಎ ಶೋಕಾಸ್ ನೋಟಿಸ್ ನೀಡಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.