ಕೇರಳ ಚುನಾವಣಾ ಅಖಾಡ: ಕಾಂಗ್ರೆಸ್ ತೊರೆದ ಪಿಸಿ ಚಾಕೋ ಈಗ ಎನ್ ಸಿಪಿ ತೆಕ್ಕೆಗೆ!

Team Udayavani, Mar 16, 2021, 6:45 PM IST

ಕಾಸರಗೋಡು, ಮಾ.16: ಇತ್ತೀಚೆಗಷ್ಟೇ ಕಾಂಗ್ರೆಸ್‌ ಪಕ್ಷಕ್ಕೆ ರಾಜೀನಾಮೆ ನೀಡಿದ್ದ ಪಕ್ಷದ ಹಿರಿಯ ನೇತಾರ ಪಿ.ಸಿ.ಚಾಕೋ ಅವರು ಶೀಘ್ರದಲ್ಲಿಯೇ ಎನ್‌.ಸಿ.ಪಿ.ಗೆ ಸೇರ್ಪಡೆಗೊಳ್ಳಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಕಾಂಗ್ರೆಸ್‌ ಸಂಸ್ಕಾರವುಳ್ಳ ಎನ್‌ಸಿಪಿಗೆ ಸೇರ್ಪಡೆಗೊಂಡು ಕಾರ್ಯಾಚರಿಸುವುದಾಗಿ ಚಾಕೋ ಹೇಳಿದ್ದಾರೆ. ಬಿಜೆಪಿಯಾಗಲೀ, ಕಮ್ಯೂನಿಸ್ಟ್‌ ಪಕ್ಷಕ್ಕಾಗಲೀ ಸೇರಲು ಆಸಕ್ತಿಯಿಲ್ಲವೆಂದು ಚಾಕೋ ಅಭಿಪ್ರಾಯವ್ಯಕ್ತಪಡಿಸಿದ್ದು, ಎನ್‌.ಸಿ.ಪಿ. ನೇತಾರ ಶರದ್‌ ಪವಾರ್‌ ಅವರೊಂದಿಗೆ ಕೈಜೋಡಿಸುವುದಾಗಿ ತಿಳಿಸಿದ್ದಾರೆ.

ಕಾಂಗ್ರೆಸ್‌ ಪಕ್ಷದಲ್ಲಿ ಬಣಗಳದ್ದೇ ಕಾರುಬಾರು ಎಂದು ಆರೋಪಿಸಿ ಕಾಂಗ್ರೆಸ್‌ ಪಕ್ಷಕ್ಕೆ ಪಿ.ಸಿ.ಚಾಕೋ ರಾಜೀನಾಮೆ ನೀಡಿದ್ದರು. ಕೇರಳದಲ್ಲಿ ಕಾಂಗ್ರೆಸ್‌ ಇಲ್ಲವೆಂದೂ, ಅಲ್ಲಿ ಏನೇ ಇದ್ದರೂ ಉಮ್ಮನ್‌ಚಾಂಡಿ, ರಮೇಶ್‌ ಚೆನ್ನಿತ್ತಲ ನೇತೃತ್ವದ ಬಣಗಳು ಮಾತ್ರ  ಎಂದು ಆರೋಪಿಸಿದ್ದಾರೆ.