ಖ್ಯಾತ ಅರ್ಥಶಾಸ್ತ್ರಜ್ಞ, ಮಾಜಿ ಸಚಿವ ಅಳಗ್‌ ಇನ್ನಿಲ್ಲ

Team Udayavani, Dec 6, 2022, 9:44 PM IST

ಅಹಮದಾಬಾದ್‌: ಖ್ಯಾತ ಅರ್ಥಶಾಸ್ತ್ರಜ್ಞ ಮತ್ತು ಕೇಂದ್ರದ ಮಾಜಿ ಸಚಿವ ಯೋಗಿಂದರ್‌ ಕೆ. ಅಳಗ್‌(83) ಮಂಗಳವಾರ ದೀರ್ಘ‌ಕಾಲದ ಅನಾರೋಗ್ಯದಿಂದ ಕೊನೆಯುಸಿರೆಳೆದಿದ್ದಾರೆ.

ಅಹಮದಾಬಾದ್‌ನ ಸರ್ದಾರ್‌ ಪಟೇಲ್‌ ಇನ್‌ಸ್ಟಿಟ್ಯೂಟ್‌ ಆಫ್ ಎಕನಾಮಿಕ್‌ ಆ್ಯಂಡ್‌ ಸೋಷಿಯಲ್‌ ರಿಸರ್ಚ್‌ನಲ್ಲಿ ಅಳಗ್‌ ಅವರು ಗೌರವ ಪ್ರೊಫೆಸರ್‌ ಆಗಿ ಕಾರ್ಯನಿರ್ವಹಿಸುತ್ತಿದ್ದರು.

ದೆಹಲಿಯ ಜೆಎನ್‌ಯುನ ಮಾಜಿ ಕುಲಪತಿಯೂ ಆಗಿದ್ದ ಅಳಗ್‌ ಅವರು, ಅದಕ್ಕೂ ಮೊದಲು ರಾಜಸ್ಥಾನ ವಿವಿ, ಐಐಎಂ ಕೋಲ್ಕತ್ತಾ, ಜೋಧ್‌ಪುರ ವಿವಿ ಮತ್ತು ಯುನಿವರ್ಸಿಟಿ ಆಫ್ ಪೆನ್ಸಿಲ್ವೇನಿಯಾದಲ್ಲಿ ಅರ್ಥಶಾಸ್ತ್ರದ ಪ್ರೊಫೆಸರ್‌ ಆಗಿಯೂ ಸೇವೆ ಸಲ್ಲಿಸಿದ್ದರು.

1996ರಲ್ಲಿ ಗುಜರಾತ್‌ನಿಂದ ರಾಜ್ಯಸಭೆಗೆ ಪ್ರವೇಶಿಸಿದ ಅವರು, 1996-98ರಲ್ಲಿ ಕೇಂದ್ರ ಯೋಜನೆ ಮತ್ತು ಕಾರ್ಯಕ್ರಮ ಅನುಷ್ಠಾನ, ವಿಜ್ಞಾನ ಮತ್ತು ತಂತ್ರಜ್ಞಾನ ಹಾಗೂ ವಿದ್ಯುತ್‌ ಖಾತೆ ಸಹಾಯಕ ಸಚಿವರಾಗಿದ್ದರು. ಅವರ ನಿಧನಕ್ಕೆ ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಅನೇಕರು ಕಂಬನಿ ಮಿಡಿದಿದ್ದಾರೆ.