ಗಡಿಪಾರು: ನೀರವ್‌ ಮೋದಿ ಅರ್ಜಿ ವಜಾ

Team Udayavani, Dec 15, 2022, 7:45 PM IST

ಲಂಡನ್‌: ಪಿಎನ್‌ಬಿ ಪ್ರಕರಣದ ವಂಚನೆಯ ಆರೋಪಿಗಳಲ್ಲಿ ಒಬ್ಬನಾಗಿರುವ ನೀರವ್‌ ಮೋದಿ ಭಾರತಕ್ಕೆ ಗಡಿಪಾರು ಆಗುವ ದಿನಗಳು ಸಮೀಪಿಸುತ್ತಿವೆ. ಗಡಿಪಾರು ವಿರೋಧಿಸಿ ಯುನೈಟೆಡ್‌ ಕಿಂಗ್‌ಡಮ್‌ನ ಹೈಕೋರ್ಟ್‌ಗೆ ಸಲ್ಲಿಕೆ ಮಾಡಲಾಗಿದ್ದ ಅರ್ಜಿ ತಿರಸ್ಕೃತಗೊಂಡಿದೆ.

ಲಂಡನ್‌ನಲ್ಲಿ ಇರುವ ರಾಯಲ್‌ ಕೋರ್ಟ್ಸ್ ಆಫ್ ಜಸ್ಟಿಸ್‌ನ ನ್ಯಾ.ಜೆರೆಮಿ ಸ್ಟುವರ್ಟ್‌ ಸ್ಮಿತ್‌ ಮತ್ತು ನ್ಯಾ.ರಾಬರ್ಟ್‌ ಜೇ “ಗಡಿಪಾರು ವಿರುದ್ಧ ಅರ್ಜಿದಾರರು ಸುಪ್ರೀಂಕೋರ್ಟ್‌ನಲ್ಲಿ ಮೇಲ್ಮನವಿ ಸಲ್ಲಿಸಲು ಉದ್ದೇಶಿಸಿದ್ದರು. ಆ ಅರ್ಜಿಯನ್ನು ತಿರಸ್ಕರಿಸಲಾಗಿದೆ’ ಎಂದು ತೀರ್ಪು ನೀಡಿದ್ದಾರೆ.

ನೀರವ್‌ ಮೋದಿ ಅರ್ಜಿ ಸಲ್ಲಿಸಿ ಒಂದು ವಾರದ ಒಳಗಾಗಿ ಯು.ಕೆ.ಯ ಕ್ರೌನ್‌ ಪ್ರಾಸಿಕ್ಯೂಷನ್‌ ಸರ್ವಿಸ್‌ ತನ್ನ ಅಭಿಪ್ರಾಯವನ್ನು ಕೋರ್ಟ್‌ಗೆ ಸಲ್ಲಿಸಿತ್ತು. ಇದರಿಂದಾಗಿ ಯು.ಕೆ.ಯಲ್ಲಿ ನೀರವ್‌ ಮೋದಿಗೆ ಇರುವ ಕಾನೂನು ಹೋರಾಟ ಅಂತ್ಯಗೊಂಡಂತೆ ಆಗಿದೆ. ನೀರವ್‌ಗೆ ವಿಚಾರಣೆ ಪ್ರಕ್ರಿಯೆಯ ಖರ್ಚು ಭರಿಸುವಂತೆಯೂ ಆದೇಶ ನೀಡಲಾಗಿದೆ.