ಪವರ್‌ ಗ್ರಿಡ್‌ನ‌ ಹಣಕಾಸು ವಿಭಾಗದ ನಿರ್ದೇಶಕರಾಗಿ ಜಿ.ರವಿಶಂಕರ್‌

Team Udayavani, Sep 23, 2022, 8:30 PM IST

ನವದೆಹಲಿ: ಕೇಂದ್ರ ಸರ್ಕಾರಿ ಸ್ವಾಮ್ಯದ ವಿದ್ಯುತ್‌ ವಿತರಣಾ ಸಂಸ್ಥೆ  ಪವರ್‌ಗ್ರಿಡ್‌ ಕಾರ್ಪೋರೇಷನ್‌ ಆಫ್ ಇಂಡಿಯಾ ಲಿಮಿಟೆಡ್‌ನ‌ ಹಣಕಾಸು ವಿಭಾಗದ ನಿರ್ದೇಶಕರಾಗಿ ಜಿ. ರವಿಶಂಕರ್‌ ಅಧಿಕಾರ ವಹಿಸಿಕೊಂಡಿದ್ದಾರೆ. ಈ ಮೊದಲು ಅವರು ಸಂಸ್ಥೆಯ ಹಣಕಾಸು ವಿಭಾಗದ ನಿರ್ದೇಶಕರಾಗಿದ್ದರು.

ಸಂಸ್ಥೆಯಲ್ಲಿ ಹಣಕಾಸು ಚಟುವಟಿಕೆಗಳನ್ನು ಡಿಜಿಟಿಲ್‌ಗೊಳಿಸಿರುವುದು, ಬಿಲ್‌ ಪ್ರೊಸೆಸಿಂಗ್‌ ಹಬ್‌ಗಳ ಸ್ಥಾಪನೆ, ಇಆರ್‌ಪಿ ಅನುಷ್ಠಾನ ಮತ್ತು ಅಭಿವೃದ್ಧಿಯಲ್ಲಿ ಜಿ.ರವಿಶಂಕರ್‌ ಪ್ರಮುಖ ಪಾತ್ರ ವಹಿಸಿದ್ದರು. ಸಂಸ್ಥೆಯ ವಿವಿಧ ಕೇಂದ್ರಗಳಲ್ಲಿ 32 ವರ್ಷಗಳ ಸೇವೆಯನ್ನು ಸಲ್ಲಿಸಿದ್ದಾರೆ.

ಕಾಸ್ಟ್‌ ಅಕೌಂಟೆಂಟ್‌ ಆಗಿರುವ ಜಿ.ರವಿಶಂಕರ್‌ ಅವರು ಮದ್ರಾಸ್‌ ವಿವಿಯಿಂದ ಗಣಿತ ವಿಷಯದಲ್ಲಿ ಪದವಿ, ಸಿಬ್ಬಂದಿ ನಿರ್ವಹಣೆ ಮತ್ತು ಮೆಟಿರಿಯಲ್‌ ಮ್ಯಾನೇಜ್ಮೆಂಟ್‌ನಲ್ಲಿ ಪಿಜಿ ಡಿಪ್ಲೊಮಾ ಪದವಿ ಪಡೆದಿದ್ದಾರೆ.