ಗಾಂಧಿಯೂ ಮೋದಿಗೆ ದೇಶಭಕ್ತಿ ಕಲಿಸಲಾರರು

Team Udayavani, Sep 18, 2017, 8:40 AM IST

ಹೊಸದಿಲ್ಲಿ: ಪ್ರಧಾನಿ ಮೋದಿ ಮಹಾತ್ಮಾ ಗಾಂಧಿ ಅವರಿಂದ ದೇಶಭಕ್ತಿ ಕಲಿಯಬೇಕಾಗಿಲ್ಲ ಎಂಬ ಟ್ವೀಟ್‌ಗೆ ಕಾಂಗ್ರೆಸ್‌ ನಾಯಕ ಮನೀಶ್‌ ತಿವಾರಿ ಪ್ರತಿಕ್ರಿಯೆ ನೀಡಿದ್ದು ವಿವಾದಕ್ಕೆ ಕಾರಣವಾಗಿದೆ. “ನರೇಂದ್ರ ಮೋದಿ ಜನರನ್ನು ಹೇಗೆ ಮೂರ್ಖರನ್ನಾಗಿಸುತ್ತಾರೆ ಎನ್ನುವುದು ಗೊತ್ತಿದೆ. ಅವರಿಗೆ ಮಹಾತ್ಮಾ ಗಾಂಧಿಯವರೂ ದೇಶಭಕ್ತಿ ಕಲಿಸಲಾರರು’ ಎಂದು ಮನೀಶ್‌ ಟ್ವೀಟ್‌ ಮಾಡಿದ್ದಾರೆ. ಜತೆಗೆ ಮೋದಿ ವಿದೇಶ ಪ್ರವಾಸವೊಂದರ ವೇಳೆ ಅಲ್ಲಿನ ರಾಷ್ಟ್ರಗೀತೆಗೆ ಅಗೌರವ ತೋರಿಸಿ ದ್ದಾರೆ ಎನ್ನಲಾದ ವೀಡಿಯೋ ಒಂದನ್ನು ಷೇರ್‌ ಮಾಡಿದ್ದಾರೆ. ಆದರೆ ಅದು ಯಾವಾಗಿದ್ದು ಎನ್ನುವುದನ್ನು ಪ್ರಸ್ತಾವಿಸಿಲ್ಲ. 

ತಿವಾರಿಯವರ ಟ್ವೀಟ್‌ಗೆ ಭಾರೀ ಪ್ರಮಾಣ ದಲ್ಲಿ ಆಕ್ರೋಶ ವ್ಯಕ್ತವಾಗಿದೆ. ಕಾಂಗ್ರೆಸ್‌ ಉಪಾಧ್ಯಕ್ಷ ಖೂನ್‌ ಕ ದಲಾಲ್‌ ಎಂಬ ಪದಪ್ರಯೋಗ ಮಾಡಿದ್ದರು. ಅದರಷ್ಟೇ ಇದೂ ಅಸಹ್ಯವಾಗಿದೆ ಎಂದಿದ್ದಾರೆ ಬಿಜೆಪಿ ವಕ್ತಾರ ಸಂಭಿತ್‌ ಪಾತ್ರ.