ಸಂಸ್ಥೆಗಳಿಗೆ ಪಾವತಿಸಬೇಕಾದ ಬಾಕಿ ಮೊತ್ತ ನಾಗರಿಕರು ಕೂಡಲೇ ಪಾವತಿಸಿ: ಮೌವಿನ್ ಗೊಡಿನ್ಹೋ

Team Udayavani, Oct 18, 2022, 1:33 PM IST

ಪಣಜಿ : ಗೋವಾ ರಾಜ್ಯದ ಕೆಲವು ನಾಗರಿಕರು ಸ್ಥಳೀಯ ಸಂಸ್ಥೆಗಳಿಗೆ ಪಾವತಿಸಬೇಕಾದ ಬಾಕಿ ಹೆಚ್ಚುತ್ತಲೇ ಇದೆ. ಹೆಚ್ಚುತ್ತಿರುವ ಈ ಬಾಕಿಯನ್ನು ನಾಗರಿಕರು ಕೂಡಲೆ ಪಾವತಿಸಬೇಕು, ಇಲ್ಲದಿದ್ದರೆ ಸೂಕ್ತ ಕ್ರಮ ಕೈಗೊಳ್ಳಬೇಕಾಗುತ್ತದೆ ಎಂದು ಪಂಚಾಯತ್ ಸಚಿವ ಮೌವಿನ್ ಗೊಡಿನ್ಹೋ ಎಚ್ಚರಿಸಿದ್ದಾರೆ.

ಪಣಜಿಯಲ್ಲಿ ಸುದ್ಧಿಗಾರರೊಂದಿಗೆ ಮಾತನಾಡಿದ ಅವರು- ರಾಜ್ಯದಲ್ಲಿ ಸ್ಥಳೀಯ ಸ್ವಯಂ ಆಡಳಿತ ಸಂಸ್ಥೆಗಳು ಸುಗಮವಾಗಿ ನಡೆಯಲು ನಾಗರಿಕರು ಸಕಾಲದಲ್ಲಿ ಬಾಕಿ ಪಾವತಿ  ಮಾಡುವುದು ಅಗತ್ಯ ಎಂದು ಸಚಿವ ಮೌವಿನ್ ಗೊಡಿನ್ಹೋ ರಾಜ್ಯದ ನಾಗರಿಕರಲ್ಲಿ ಮನವಿ ಮಾಡಿದ್ದಾರೆ.

ಕಳೆದ ಕೆಲವು ತಿಂಗಳಿಂದ ನಾಗರಿಕರು ಇದನ್ನು ನಿರ್ಲಕ್ಷಿಸುತ್ತಿದ್ದು, ಇದನ್ನು ತುರ್ತಾಗಿ ತುಂಬುವ ಅಗತ್ಯವಿದೆ ಎಂದು ಹೇಳಿದರು.

ರಾಜ್ಯದಲ್ಲಿನ ಸ್ಥಳೀಯ ಸ್ವಯಂ ಆಡಳಿತ ಸಂಸ್ಥೆಗಳ ಸ್ಥಿತಿಯನ್ನು ಪರಿಗಣಿಸಿ, ನಾಗರಿಕರು ತಮ್ಮ ತೆರಿಗೆ ಅಥವಾ ಸಾಲವನ್ನು ಕೂಡಲೇ ಪಾವತಿಸಬೇಕಿದೆ ಏಕೆಂದರೆ ಇದು ಇಲ್ಲದೆ ಸ್ಥಳೀಯ ಸ್ವಯಂ ಆಡಳಿತ ಸಂಸ್ಥೆಗಳು ಸರಾಗವಾಗಿ ಕೆಲಸ ಮಾಡಲು ಸಾಧ್ಯವಾಗುತ್ತದೆ. ಈ ಮನವಿಗೆ ನಾಗರಿಕರು ಸಹಕರಿಸದಿದ್ದರೆ ಎಲ್ಲ ಪಂಚಾಯಿತಿಗಳಿಗೂ ಕಡ್ಡಾಯವಾಗಿ ಬಾಕಿ ವಸೂಲಿ ಮಾಡುವುದಾಗಿ ಸಚಿವ ಮೌವಿನ್ ಗುದಿನ್ಹೊ ಎಚ್ಚರಿಕೆ ನೀಡಿದ್ದಾರೆ. ಆದ್ದರಿಂದ ರಾಜ್ಯದ ನಾಗರಿಕರು ಕೂಡಲೇ ಬಾಕಿ ಹಣ ಪಾವತಿಸಬೇಕು. ಇಲ್ಲವಾದಲ್ಲಿ ಸೂಕ್ತ ಕ್ರಮ ಕೈಗೊಳ್ಳಬೇಕಾಗುತ್ತದೆ ಎಂದು ಸಚಿವ ಮಾವಿನ್ ಗುದಿನ್ಹೊ ಹೇಳಿದರು.