6 ಕೋಟಿ ರೂ. ಮೌಲ್ಯದ ನೋಟುಗಳು, ಬಂಗಾರದಿಂದ ದೇವಿಗೆ ಅಲಂಕಾರ!

Team Udayavani, Oct 1, 2022, 6:16 PM IST

ವಿಶಾಖಪಟ್ಟಣ: ದೇಗುಲಗಳಲ್ಲಿ ಚಿನ್ನದಿಂದ, ಹಣದಿಂದ ಅಲಂಕಾರ ಮಾಡುವುದು ಇತ್ತೀಚೆಗೆ ಮಾಮೂಲಿ. ಅಂತಹದ್ದೇ ಒಂದು ಅಲಂಕಾರದ ಕಾರಣದಿಂದ ಆಂಧ್ರಪ್ರದೇಶದ ದೇಗುಲವೊಂದು ಭಾರೀ ಸದ್ದು ಮಾಡಿದೆ.

ಪಶ್ಚಿಮ ಗೋದಾವರಿ ಜಿಲ್ಲೆಯ, ಪೆನುಗೊಂಡದಲ್ಲಿನ ವಾಸವಿ ಕನ್ನಿಕಾ ಪರಮೇಶ್ವರಿ ದೇಗುಲಕ್ಕೆ 135 ವರ್ಷದ ಇತಿಹಾಸ. ಆ ದೇಗುಲಕ್ಕೆ ಈಗ ನವರಾತ್ರಿ ಪ್ರಯುಕ್ತ ಹಣದಿಂದ, ಬಂಗಾರದಿಂದ ಅಲಂಕಾರ ಮಾಡಲಾಗಿದೆ.

ಇದರ ಒಟ್ಟು ಮೌಲ್ಯ 6 ಕೋಟಿ ರೂ.! ವಾಸವಿ ದೇವಿಯ ಮೂರ್ತಿಗೆ 6 ಕೆಜಿ ಬಂಗಾರ, 3 ಕೆಜಿ ಬೆಳ್ಳಿಯಿಂದ ಅಲಂಕಾರ ಮಾಡಲಾಗಿದೆ. ಹಾಗೆಯೇ ಗರ್ಭಗುಡಿಯ ಒಳಗೋಡೆಗಳ ಮೇಲೆ, ನೆಲದ ಮೇಲೆ ನೋಟುಗಳನ್ನು ಅಂಟಿಸಲಾಗಿದೆ.

Visakhapatnam, Andhra | A 135-yr-old temple of Goddess Vasavi Kanyaka Parameswari decorated with currency notes & gold ornaments worth Rs 8 cr for Navratri

“It’s public contribution & will be returned once the puja is over. It won’t go to temple trust,” says the Temple committee pic.twitter.com/1nWfXQwW7c

— ANI (@ANI) September 30, 2022

20 ವರ್ಷದಿಂದ ಈ ಪದ್ಧತಿ ಅನುಸರಿಸಲಾಗುತ್ತದೆ. ಉತ್ಸವ ಮುಗಿದ ಮೇಲೆ ಅಷ್ಟನ್ನೂ ಅದನ್ನು ಕೊಟ್ಟ ಜನರಿಗೆ ಮರಳಿಸಲಾಗುತ್ತದೆ.

ಹೀಗೆ ನೋಟುಗಳನ್ನು ಉತ್ಸವದ ವೇಳೆ ನೀಡುವುದರಿಂದ ಸಂಪತ್ತು ಸಮೃದ್ಧಿಯಾಗುತ್ತದೆ ಎನ್ನುವುದು ಜನರ ನಂಬಿಕೆಯಾಗಿದೆ.