ರಾಜ್ಯದಲ್ಲಿ 2 ಪರಮಾಣು ವಿದ್ಯುತ್‌ ಕೇಂದ್ರ ಸ್ಥಾಪನೆ

Team Udayavani, Feb 8, 2018, 6:15 PM IST

ನವದೆಹಲಿ: ಕರ್ನಾಟಕ ಸೇರಿದಂತೆ ಐದು ರಾಜ್ಯಗಳಲ್ಲಿ ಒಟ್ಟು 12 ಪರಮಾಣು ವಿದ್ಯುತ್‌ ಉತ್ಪಾದನಾ ಕೇಂದ್ರಗಳ ನಿರ್ಮಾಣಕ್ಕೆ ಒಪ್ಪಿಗೆ ನೀಡಿ, ಅಗತ್ಯ ಹಣವನ್ನೂ ಬಿಡುಗಡೆ ಮಾಡಲು ಕೇಂದ್ರ ಸರ್ಕಾರ ಒಪ್ಪಿಗೆ ಸೂಚಿಸಿದೆ.

ಕರ್ನಾಟಕ, ಮಧ್ಯಪ್ರದೇಶ, ಹರ್ಯಾಣಗಳಲ್ಲಿ ತಲಾ 2 ಹಾಗೂ ರಾಜಸ್ಥಾನದಲ್ಲಿ 4 ಪ್ರಶರೈಸ್ಡ್ ಹೆವಿ ವಾಟರ್‌ ರಿಯಾಕ್ಟರ್‌ಗಳು (700 ಮೆ.ವ್ಯಾ. ಸಾಮರ್ಥ್ಯ) ನಿರ್ಮಾಣವಾಗಲಿದ್ದು, ತಮಿಳುನಾಡಿನಲ್ಲಿ ಎರಡು ಲೈಟ್‌ ವಾಟರ್‌ ರಿಯಾಕ್ಟರ್‌ (1 ಸಾವಿರ ಮೆ.ವ್ಯಾ) ಮಾದರಿ ಕೇಂದ್ರಗಳು ತಲೆಯೆತ್ತಲಿವೆ ಎಂದು ಸರ್ಕಾರ ತಿಳಿಸಿದೆ.

ಪಿಎಂಆರ್‌ಎಫ್ಗೆ ಒಪ್ಪಿಗೆ: ಏತನ್ಮಧ್ಯೆ, ಬಜೆಟ್‌ನಲ್ಲಿ ಘೋಷಿಸಲಾಗಿದ್ದ ಪ್ರಧಾನ ಮಂತ್ರಿ ರಿಸರ್ಚ್‌ ಫೆಲೋಶಿಪ್‌ ಯೋಜನೆಗೆ ಕೇಂದ್ರ ಸಂಪುಟ ಬುಧವಾರ ಒಪ್ಪಿಗೆ ಸೂಚಿಸಿದೆ. 

ರಾಮಸೇತು ರಕ್ಷಣೆಗೆ ಒತ್ತು: ಸೇತುಸಮುದ್ರಂ ಯೋಜನೆ ಬಗ್ಗೆ ಚರ್ಚಿಸಿದ ಕೇಂದ್ರ ಸಂಪುಟದ ರಾಜಕೀಯ ವ್ಯವಹಾರಗಳ ಸಮಿತಿ, ಪುರಾತನ ರಾಮಸೇತುವಿಗೆ ಧಕ್ಕೆಯಾಗದಂತೆ ಸೇತು ಸಮುದ್ರಂ ಶಿಪ್ಪಿಂಗ್‌ ಕೆನಾಲ್‌ ಯೋಜನೆ ಮುಂದುವರಿಸಲು ನಿರ್ಧರಿಸಿದೆ.