Gujarat: ಸೈಕಲ್‌ನಿಂದ ಕೆಳಗೆ ಬಿದ್ದ 4ರ ಬಾಲಕಿ ಮೇಲೆ ಹರಿದ ಕಾರು; ಸ್ಥಳದಲ್ಲೇ ಸಾವು

Team Udayavani, Aug 19, 2024, 12:15 PM IST

ಗುಜರಾತ್:‌ ಸೈಕಲ್‌ನಿಂದ ಕೆಳಗೆ ಬಿದ್ದ ಬಾಲಕಿ ಮೇಲೆ ಕಾರೊಂದು ಹರಿದು ಮೃತಪಟ್ಟಿರುವ ಘಟನೆ ಗುಜರಾತ್‌ನ ಮೆಹ್ಸಾನಾದ ರೆಸಿಡೆನ್ಶಿಯಲ್ ಸೊಸೈಟಿಯಲ್ಲಿ ನಡೆದಿದೆ.

ದಿಶಾ ಪಟೇಲ್‌(4) ಮೃತ ಬಾಲಕಿ.

ಬಾಲಕಿ ದಿಶಾ ಪಟೇಲ್ ಸ್ಪರ್ಶ್ ವಿಲ್ಲಾ ಸೊಸೈಟಿಯ ವರಾಂಡದಲ್ಲಿ ಸೈಕ್ಲಿಂಗ್‌ ಮಾಡುತ್ತಿದ್ದಳು. ಈ ವೇಳೆ ಸೈಕಲ್‌ನಿಂದ ಬ್ಯಾಲೆನ್ಸ್‌ ತಪ್ಪಿ ದಿಶಾ ಕೆಳಗೆ ಬಿದ್ದಿದ್ದಾಳೆ. ಅತ್ತ ಕಡೆಯಿಂದ ಬರುತ್ತಿದ್ದ ಕಾರು ಕೆಳಕ್ಕೆ ಬಿದ್ದ ಬಾಲಕಿಯ ಮೇಲೆ ಹರಿದಿದೆ.

ಕೂಡಲೇ ಕಾರು ಚಾಲಕ ಇಳಿದು ಪರಿಶೀಲನೆ ನಡೆಸಿದ್ದಾರೆ. ಆದರೆ ಆದಾಗಲೇ ಬಾಲಕಿ ಮೃತಪಟ್ಟಿದ್ದಾಳೆ. ಈ ಅನಿರೀಕ್ಷಿತ ಆಘಾತದಿಂದ ಬಾಲಕಿಯ ಕುಟುಂಬ ಶಾಕ್‌ ಗೆ ಒಳಗಾಗಿದೆ.

ಸದ್ಯ ಪೊಲೀಸರು ಘಟನಾ ಸಂಬಂಧ ಸೆರೆಯಾಗಿರುವ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿ, ತನಿಖೆ ನಡೆಸುತ್ತಿದ್ದಾರೆ.