ತನ್ನನ್ನು ತಾನೇ ಮದುವೆಯಾದ ಯುವತಿಯಿಂದ ಮೊದಲ ಕರ್ವಾ ಚೌತ್‌ ಆಚರಣೆ  

Team Udayavani, Oct 17, 2022, 6:12 PM IST

ಗುಜರಾತ್:‌ ತನ್ನನ್ನು ಮದುವೆಯಾದ ಗುಜರಾತಿನ ಕ್ಷಮಾ ಬಿಂದು ಮತ್ತೊಮ್ಮೆ ಸುದ್ದಿಯಾಗಿದ್ದಾಳೆ. ಸಾಂಪ್ರದಾಯಿಕ ಉಡುಗೆ ತೊಟ್ಟು ಕರ್ವಾ ಚೌತ್‌ ಆಚರಿಸಿಕೊಂಡಿದ್ದಾಳೆ.

ಇದೇ ವರ್ಷದ ಜೂನ್.8‌ ರಂದು ವಡೋದಾರದಲ್ಲಿ ʼಸೋಲೋಗಮಿʼ (ಏಕಪತ್ನಿತ್ವ) ತನ್ನನ್ನು ತಾನೇ ಮದುವೆಯಾಗಿ ಸುದ್ದಿಯಾಗಿದ್ದಳು. ಕ್ಷಮಾ ಮದುವೆಗೆ  ನೆಟ್ಟಿಗರಿಂದ ನಾನಾ ಬಗೆಯ ಕಮೆಂಟ್‌ ಗಳನ್ನು ಕೇಳಿ ಬಂದಿತ್ತು. ಕೆಲ ಸಂಘಟನೆಗಳು ಇದಕ್ಕೆ ವಿರೋಧ ವ್ಯಕ್ತಪಡಿಸಿದ್ದವು. ಪೋಷಕರ ಅನುಮೋದನೆಯೊಂದಿಗೆ ಕ್ಷಮಾ ತಮ್ಮನ್ನು ತಾವೇ ಮದುವೆಯಾಗಿದ್ದರು.

ಮದುವೆಯ ಬಳಿಕ ಗೋವಾದಲ್ಲಿ ಹನಿಮೂನ್‌ ಮಾಡಿಕೊಂಡಿದ್ದ ಫೋಟೋಈಗಳನ್ನು ಹಂಚಿಕೊಂಡಿದ್ದರು. ಈಗ ತಮ್ಮ ಮೊದಲ ಕರ್ವಾ ಚೌತ್‌ ಬಗ್ಗೆ ಫೋಟೋವನ್ನು ಹಂಚಿಕೊಂಡಿದ್ದಾರೆ.

ಗಂಡನ ಒಳಿತಿಗಾಗಿ ಪತ್ನಿ ಉಪವಾಸ ವೃತವನ್ನು ಮಾಡಿ ಕರ್ವಾ ಚೌತ್‌ ನ್ನು ಆಚರಣೆ ಮಾಡುವುದು ಕ್ರಮ. ಕ್ಷಮಾ ಬಿಂದು ತಮ್ಮನ್ನು ತಾವೇ ಮದುವೆ ಆಗಿದ್ದರಿಂದ ಒಂಟಿಯಾಗಿ ಕರ್ವಾ ಚೌತ್‌ ಮಾಡಿದ್ದಾರೆ.

ಸಾಂಪ್ರದಾಯಿಕ ಉಡುಗೆ ತೊಟ್ಟು ಜರಡಿ ಹಿಡಿದುಕೊಂಡು, ಕನ್ನಡಿಯಲ್ಲಿ ತನ್ನನ್ನು ತಾನು ನೋಡಿಕೊಂಡು ಕ್ಷಮಾ ವ್ರತ ಮಾಡಿದ್ದಾರೆ. ನಾನು ನನ್ನ ಮೊದಲ ಕರ್ವಾ ಚೌತ್‌ ಮಾಡಿದೆ ಎಂದು ಕ್ಯಾಪ್ಷನ್‌ ಬರೆದು ಪೋಟೋ ಹಂಚಿಕೊಂಡಿದ್ದಾರೆ.

View this post on Instagram

A post shared by Kshama Bindu (@kshamachy)