ಬಿದಿರಿನ ದುರ್ಗೆಯ ದಾಖಲೆ

Team Udayavani, Sep 29, 2017, 6:45 AM IST

ಗುವಾಹಟಿ: ಅಸ್ಸಾಂನ ಬಿಷ್ಣುಪುರ ಸರ್ಬಾಜನಿನ್‌ ಪೂಜಾ ಸಮಿತಿಯಿಂದ ನಿರ್ಮಾಣಗೊಂಡು, ಪೂಜಿಸಲ್ಪಡುತ್ತಿರುವ
100 ಅಡಿಗಳಿಗೂ ಅಧಿಕ ಎತ್ತರದ ಬಿದಿರಿನ ದುರ್ಗಾ ಮಾತೆಯ ವಿಗ್ರಹ ಇದೀಗ ಜನಾಕರ್ಷಣೆಯ ಕೇಂದ್ರವಾಗಿದೆ. ಈ
ವಿಗ್ರಹವನ್ನು ಇಟ್ಟಿರುವ ಪೆಂಡಾಲ್‌ಗೆ ಜನರ ಮಹಾಪೂರವೇ ಹರಿದು ಬರುತ್ತಿದ್ದು, ಈ ಬೃಹದಾಕಾರದ ವಿಗ್ರಹಕ್ಕೆ ಗಿನ್ನೆಸ್‌ ದಾಖಲೆಯ ಗೌರವ ಲಭಿಸಲಿದೆ ಎಂಬುದು ಸಂಘಟಕರ ನಿರೀಕ್ಷೆಯಾಗಿದೆ.

101 ಅಡಿ ಎತ್ತರದ ಈ ಬಿದಿರಿನ ವಿಗ್ರಹವನ್ನು ಅಸ್ಸಾಂನ ಹೆಸರಾಂತ ಕಲಾವಿದರು ಮತ್ತು ಸೆಟ್‌ ವಿನ್ಯಾಸಕಾರರಾದ
ನೂರುದ್ದೀನ್‌ ಅಹ್ಮದ್‌ ಮತ್ತವರ ತಂಡ ನಿರ್ಮಿಸಿದೆ. ಇದರ ನಿರ್ಮಾಣ ಕಾರ್ಯ ಶೇ.70ರಷ್ಟು ಮುಕ್ತಾಯಗೊಂಡಾಗ, ಅಂದರೆ ಸೆ.17ರಂದು ಭಾರೀ ಗಾಳಿಮಳೆಯಾಗಿ ಅದು ಸಂಪೂರ್ಣ ಹಾನಿಗೀಡಾಗಿತ್ತು. ಆದರೆ, ಕಲಾವಿದರು ಧೃತಿಗೆಡದೆ ಮತ್ತೆ ಈ ವಿಗ್ರಹವನ್ನು ವಾರದ ಅವಧಿಯಲ್ಲಿ ರಚಿಸಿದ್ದರು.

ಸಂಘಟಕರು ಈಗಾಗಲೇ ಗಿನ್ನೆಸ್‌ ಬುಕ್‌ ಆಫ್ ರೆಕಾರ್ಡ್ಸ್‌ಗೆ ಪತ್ರ ಬರೆದು, ಈ ವಿಗ್ರಹದ ವಿವರಗಳನ್ನು ಸಲ್ಲಿಸಿದ್ದಾರೆ. ಇದು ಲಿಮ್ಕಾ ಬುಕ್‌ ಆಫ್ ರೆಕಾರ್ಡ್ಸ್‌ನಲ್ಲಿ ಸ್ಥಾನ ಪಡೆಯುವುದು ನಿಶ್ಚಿತ ಎನ್ನುತ್ತಾರೆ 1975 ರಿಂದ ದುರ್ಗಾ ವಿಗ್ರಹಗಳ ರಚನೆಯಲ್ಲಿ ತೊಡಗಿಕೊಂಡಿರುವ ನೂರುದ್ದೀನ್‌.