ವಾರ್‌ ಥಿಯೇಟರ್‌ ಆಗಿ ಬದಲಾಯ್ತು ಗ್ವಾಲಿಯರ್‌ ವಾಯುನೆಲೆ

Team Udayavani, Jun 25, 2019, 6:00 AM IST

ಗ್ವಾಲಿಯರ್‌: ಕಾರ್ಗಿಲ್‌ ಯುದ್ಧಕ್ಕೆ 20 ವರ್ಷಗಳು ತುಂಬಿದ ಹಿನ್ನೆಲೆಯಲ್ಲಿ, ಅದರ ನೆನಪಿಗಾಗಿ ಭಾರತೀಯ ವಾಯುಪಡೆಯು ಗ್ವಾಲಿಯರ್‌ ವಾಯುನೆಲೆಯನ್ನು “ವಾರ್‌ ಥಿಯೇಟರ್‌’ ಆಗಿ ಮಾರ್ಪಾಡು ಮಾಡಿದೆ. 1990ರ ಯುದ್ಧದ ವೇಳೆ ನಡೆದ ಕೆಲವು ಸನ್ನಿವೇಶಗಳನ್ನು ಇಲ್ಲಿ ಸಾಂಕೇತಿಕವಾಗಿ ಮರು ಸೃಷ್ಟಿ ಮಾಡುವ ಮೂಲಕ ಅವುಗಳನ್ನು ಕಣ್ಣಿಗೆ ಕಟ್ಟುವಂತೆ ಬಿಂಬಿಸುವುದು ವಾಯುಪಡೆಯ ಉದ್ದೇಶವಾಗಿದೆ.

ಸೋಮವಾರ ಗ್ವಾಲಿಯರ್‌ನಲ್ಲಿ ವಾರ್‌ ಥಿಯೇ ಟರ್‌ ಉದ್ಘಾಟಿಸಲಾಗಿದ್ದು, ವಾಯುಪಡೆ ಮುಖ್ಯಸ್ಥ ಬಿ.ಎಸ್‌.ಧನೋವಾ ಅವರು ಸಮಾ ರಂಭದ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡಿದ್ದರು.

ಕಾರ್ಗಿಲ್‌ ಯುದ್ಧದ 20ನೇ ವರ್ಷಾಚರಣೆ ವೇಳೆ ಈ ಸೇನಾನೆಲೆಯಲ್ಲಿ ಹಲವು ಚಟುವಟಿಕೆಗಳನ್ನು ಆಯೋಜಿಸಲು ಐಎಎಫ್ ನಿರ್ಧರಿಸಿದ್ದು, ಟೈಗರ್‌ ಹಿಲ್‌ ಅಟ್ಯಾಕ್‌ನ ಸಾಂಕೇತಿಕ ಮರುಸೃಷ್ಟಿಯೂ ಅದರಲ್ಲಿ ಒಂದು. ಯುದ್ಧದ ವೇಳೆ ದ್ರಾಸ್‌-ಕಾರ್ಗಿಲ್‌ ಪ್ರದೇಶದಲ್ಲಿ ಶತ್ರುಪಡೆಯನ್ನು ಹಿಮ್ಮೆಟ್ಟಿಸುವಲ್ಲಿ ಭಾರತೀಯ ಸೇನೆಯು ಯಶಸ್ವಿಯಾಗಿತ್ತು.

ಜು. 25 -27ರವರೆಗೆ ಕಾರ್ಯಕ್ರಮ
ಮುಂದಿನ ತಿಂಗಳು “ಕಾರ್ಗಿಲ್‌ ವಿಜಯ ದಿವಸ’ದ 20ನೇ ವರ್ಷಾ ಚರಣೆ ನಡೆಯಲಿದೆ. ಜುಲೈ 25ರಿಂದ 27ರವರೆಗೆ ಅಂದರೆ 3 ದಿನಗಳ ಕಾಲ ಕಾರ್ಯಕ್ರಮಗಳು ನಡೆಯಲಿವೆ.

ವಾರ್‌ ಥಿಯೇಟರ್‌ನಲ್ಲಿ ಏನೇನು ಇರಲಿದೆ?
ಜಮ್ಮು-ಕಾಶ್ಮೀರದ ದ್ರಾಸ್‌-ಕಾರ್ಗಿಲ್‌ ಪ್ರದೇಶದಲ್ಲಿ ನಡೆದ ಟೈಗರ್‌ ಹಿಲ್‌ ಅಟ್ಯಾಕ್‌ ಅನ್ನು ಮರುಸೃಷ್ಟಿ ಮಾಡಲಾಗಿದೆ. ಇದಕ್ಕಾಗಿ ವಾಯುಪಡೆಯು ತನ್ನ ಮಿರಾಜ್‌ 2000 ವಿಮಾನವನ್ನು ಬಳಸಿದೆ.

”ಮಾದರಿ ಪರ್ವತ’ವೊಂದನ್ನು ನಿರ್ಮಿಸಿ ಅಲ್ಲಿ ಸ್ಫೋಟಕಗಳು ಸಿಡಿದಂತೆ ತೋರಿಸಲಾಗಿದೆ.

ಐದು ಮಿರಾಜ್‌ 2000, ಎರಡು ಮಿಗ್‌ 21, ಒಂದು ಸುಖೋಯ್‌ 30 ಎಂಕೆಐ ಯುದ್ಧ ವಿಮಾನಗಳನ್ನು ಪ್ರದರ್ಶಿಸಲಾಗಿದೆ

ಬಾಲಕೋಟ್‌ ದಾಳಿ ವೇಳೆ ಬಳಸಲಾದ ಸ್ಪೈಸ್‌ ಬಾಂಬ್‌ ವಾಹಕವನ್ನೂ ಇಲ್ಲಿ ನೋಡಬಹುದು ಮರುಸೃಷ್ಟಿ ಮೂಲಕ ಸಮರದ ಪ್ರಮುಖ ಘಟ್ಟಗಳನ್ನು ಚಿತ್ರಿಸುವ ಪ್ರಯತ್ನವನ್ನು ಈ
ಮೂಲಕ ಮಾಡಲಾಗಿದೆ.