ಇಂದಿನಿಂದ ಹಾಥ್‌ಸೇ ಹಾಥ್‌ ಜೋಡೋ ಕಾಂಗ್ರೆಸ್‌ ಸಮಾವೇಶ

Team Udayavani, Feb 24, 2023, 8:15 AM IST

ರಾಯ್ಪುರ/ಹೊಸದಿಲ್ಲಿ: ಭಾರತ್‌ ಜೋಡೋ ಯಾತ್ರೆಯ  ಯಶಸ್ಸಿನಿಂದ ಭಾರೀ ಖುಷಿಯಲ್ಲಿರುವ ಕಾಂಗ್ರೆಸ್‌, ಶುಕ್ರವಾರದಿಂದ ಮೂರು ದಿನಗಳ  ಹಾಥ್‌ ಸೇ ಹಾಥ್‌ ಜೋಡೋ ಅಧಿವೇಶನವನ್ನು ಛತ್ತೀಸ್‌ಗಡದ ರಾಯು³ರದಲ್ಲಿ ನಡೆಸುತ್ತಿದೆ. 2024ರ ಲೋಕಸಭೆ ಚುನಾವಣೆ ಮತ್ತು ಪ್ರಸಕ್ತ ವರ್ಷದಲ್ಲಿ ಕರ್ನಾಟಕವೂ ಸಹಿತ ವಿವಿಧ ರಾಜ್ಯಗಳಲ್ಲಿ ನಡೆಯುವ ವಿಧಾನಸಭೆ ಚುನಾವಣೆಗಳ ಬಗ್ಗೆ ಈ ಅಧಿವೇಶನದಲ್ಲಿ ಚರ್ಚೆ ನಡೆಯಲಿದೆ.

ಒಟ್ಟಾರೆ 15 ಸಾವಿರ ಪ್ರತಿನಿಧಿಗಳು  ನದಲ್ಲಿ ಭಾಗಿಯಾಗಲಿದ್ದಾರೆ. ಎಐಸಿಸಿ ಅಧ್ಯಕ್ಷರಾಗಿ ಮಲ್ಲಿಕಾರ್ಜುನ ಖರ್ಗೆ  ಆಯ್ಕೆಯಾದ ಬಳಿಕ ನಡೆಯುತ್ತಿರುವ ಮೊದಲ ಅಧಿವೇಶನ ಇದಾಗಿದೆ.  2024ರಲ್ಲಿ ಬಿಜೆಪಿ ವಿರುದ್ಧ  ವಿಪಕ್ಷಗಳ ಒಕ್ಕೂಟವನ್ನು ರಚಿಸಿ ತಾನೇ ಮುನ್ನಡೆಸುವ ಬಗ್ಗೆ ಕೂಲಂಕಷವಾಗಿ ಚರ್ಚೆ ನಡೆಸಲಿದೆ ಎನ್ನಲಾಗಿದೆ.

ಇದೇ ಅಧಿವೇಶನದಲ್ಲಿ ರಾಹುಲ್‌ ಗಾಂಧಿಯ ಭಾರತ್‌ ಜೋಡೋ 2ನೇ ಹಂತದ ಪಾದಯಾತ್ರೆ ಬಗ್ಗೆಯೂ ನಿರ್ಧಾರ ತೆಗೆದುಕೊಳ್ಳಲಾಗುತ್ತದೆ. ಇದನ್ನು ಗುಜರಾತ್‌ನಿಂದ ಅಸ್ಸಾಂವರೆಗೆ ನಡೆಸಲಾಗುತ್ತದೆ.