Panaji: ಭಾರಿ ಮಳೆಗೆ ಕುಸಿದು ಬಿದ್ದ ಮನೆ… ಮಹಿಳೆಯ ಜೀವ ಉಳಿಸಿದ ಬಿಸ್ಕೆಟ್

Team Udayavani, Jul 16, 2024, 3:13 PM IST

ಪಣಜಿ: (ಮಡಗಾಂವ್): ಭಾರೀ ಮಳೆಗೆ ಮಡಗಾಂವ್‍ನ ಖರೇಬಂದ್‍ನಲ್ಲಿ ವಾಸವಾಗಿರುವ ಮಾಜಿ ಗೃಹ ರಕ್ಷಕ ದಳದ ವಿಮಲ್ ಶಿರೋಡ್ಕರ್ ಅವರ ಮನೆ ಕುಸಿದು ಬಿದ್ದು ಅಪಾರ ಹಾನಿ ಸಂಭವಿಸಿದೆ.

ಇದೇ ವೇಳೆ ಬಿಸ್ಕೆಟ್ ತರಲು ವಿಮಲ್ ಮನೆಯಿಂದ ಹೊರ ಹೋಗಿದ್ದು, ಅಪಘಾತ ಸಂಭವಿಸಿದಾಗ ಅವರ ಪ್ರಾಣ ಉಳಿಯಿತು. ಘಟನಾ ಸ್ಥಳಕ್ಕೆ ಕಾರ್ಪೊರೇಟರ್ ಮಹೇಶ್ ಅಮೋನ್ಕರ್, ಶಾಸಕ ದಿಗಂಬರ್ ಕಾಮತ್ ಭೇಟಿ ನೀಡಿ ಪರಿಶೀಲನೆ ನಡೆಸಿ ವಿಮಲ್ ಶಿರೋಡ್ಕರ್ ಅವರಿಗೆ ಬೇರೆಡೆ ವಸತಿ ವ್ಯವಸ್ಥೆ ಮಾಡುವುದಾಗಿ ಭರವಸೆ ನೀಡಿದರು.

ವಿಮಲ್ ಶಿರೋಡ್ಕರ್ ಸುಮಾರು 34 ವರ್ಷಗಳಿಂದ ಗೃಹರಕ್ಷಕರಾಗಿ ಕೆಲಸ ಮಾಡಿದ್ದಾರೆ. ಜನರ ಸೇವೆಗಾಗಿ ಈ ಕೆಲಸ ಮಾಡಿದ್ದೇನೆ ಎನ್ನುತ್ತಾರೆ. ಸಿಕ್ಕಿರುವ ಮಾಹಿತಿಯ ಪ್ರಕಾರ, ಭಾರೀ ಮಳೆಯಿಂದಾಗಿ ವಿಮಲ್ ಶಿರೋಡ್ಕರ್ ವಾಸಿಸುತ್ತಿದ್ದ ಮನೆ ಬೆಳಿಗ್ಗೆ 10:30 ರ ಸುಮಾರಿಗೆ ಗೋಡೆ ಕುಸಿದಿದೆ. ಕಳೆದ 65 ವರ್ಷಗಳಿಂದ ತನ್ನ ಸಹೋದರನೊಂದಿಗೆ ಈ ಮನೆಯಲ್ಲಿ ವಾಸಿಸುತ್ತಿದ್ದಳು. ಈ ಘಟನೆಯಿಂದ ಮನೆಯಲ್ಲಿದ್ದ ಗ್ಯಾಸ್, ಕಪಾಟು, ಮೂರು ಹಾಸಿಗೆ, ಆಹಾರ ಪದಾರ್ಥಗಳು, ಬಟ್ಟೆಬರೆ ಎಲ್ಲವೂ ಮಣ್ಣಿನಡಿಗೆ ಬಿದ್ದಿದೆ ಎಂದು ವಿಮಲ್ ಹೇಳಿದ್ದಾರೆ. ಬಿಸ್ಕೆಟ್ ತರಲು ಐದು ನಿಮಿಷಗಳ ಕಾಲ ಮನೆಯಿಂದ ಹೊರಬಂದಿದ್ದರಿಂದ ವಿಮಲ್ ಶಿರೋಡ್ಕರ್ ಅವರ ಜೀವ ಉಳಿಸಿಕೊಂಡರು. ಅವರ ದೀರ್ಘಾಯುಷ್ಯ ಜನ ಸೇವೆ ಮಾಡಿದ್ದೇ ಕಾರಣ ಎಂದೇ ಹೇಳಲಾಗುತ್ತಿದೆ. ಇವರಿಗೆ ವಸತಿ ವ್ಯವಸ್ಥೆ ಕಲ್ಪಿಸಲಾಗುವುದು ಎಂದು ಕಾರ್ಪೊರೇಟರ್ ಮಹೇಶ್ ಅಮೋನ್ಕರ್ ತಿಳಿಸಿದ್ದಾರೆ.

ಮಳೆಯಿಂದಾಗಿ ಮಡಗಾಂವ್ ಹಾಗೂ ಸುತ್ತಮುತ್ತಲಿನ ಹಲವೆಡೆ ಮರಗಳು ಬಿದ್ದಿವೆ. ಧವರ್ಲಿ, ಫತೋರ್ಡಾ, ಕೊಲ್ವಾದಲ್ಲಿ ಮರಗಳು ರಸ್ತೆಯಲ್ಲಿ ಬಿದ್ದಿದ್ದು, ಅಗ್ನಿಶಾಮಕ ದಳದ ಸಿಬ್ಬಂಧಿ ಮರವನ್ನು ತೆರವುಗೊಳಿಸಿದ್ದಾರೆ. ಶಿರೋಡ್ಕರ್ ಅವರ ಮನೆಗೆ ಟಾರ್ಪಾಲಿನ್ ಹೊದಿಸಬೇಕಾಗಿದೆ, ಇಲ್ಲವಾದಲ್ಲಿ ಮಣ್ಣಿನ ಗೋಡೆಗಳಾಗಿರುವುದರಿಂದ ಇಡೀ ಮನೆ ಕುಸಿಯುವ ಸಾಧ್ಯತೆ ಇದೆ. ಆದರೆ ಅವರಿಗೆ ಉಳಿಯಲು ಆಶ್ರಯ ಬೇಕು ಎಂದು ಅಗ್ನಿಶಾಮಕ ದಳದ ಅಧಿಕಾರಿ ಗಿಲ್ ಸುಜಾ ಹೇಳಿದರು. ಇದೇ ವೇಳೆ ನಾವೇಲಿಯ ಮನೋಹರ್ ಪರಿಕ್ಕರ್ ಸ್ಟೇಡಿಯಂ ಬಳಿ ಮನೆಯೊಂದರ ಮೇಲೆ ಮರ ಬಿದ್ದಿದೆ.

ಇದನ್ನೂ ಓದಿ: America: ಭಾರತ ಮೂಲದ ಉಷಾ ಚಿಲುಕುರಿ ಪತಿ ಜೆಡಿ ವ್ಯಾನ್ಸ್‌ ಉಪಾಧ್ಯಕ್ಷ ಅಭ್ಯರ್ಥಿ; ಟ್ರಂಪ್‌