Highest Temperature; ರಾಜಸ್ಥಾನದ ಫ‌ಲೋಡಿಯಲ್ಲಿ 50 ಡಿಗ್ರಿಗೆ ಏರಿದ ತಾಪ!

Team Udayavani, May 26, 2024, 7:30 AM IST

ಜೈಪುರ: ರಾಜಸ್ಥಾನದಲ್ಲಿ ಬಿಸಿಲ ಬೇಗೆ ವಿಪರೀತ ಹೆಚ್ಚಳವಾಗಿದ್ದು, ತಾಪಮಾನ 50 ಡಿಗ್ರಿ ಸೆ.ಗೆ ತಲುಪಿದೆ. ಹೀಗಾಗಿ ಉಷ್ಣಾಂಶ ಸಂಬಂಧಿಸಿದ ಸಮಸ್ಯೆಗಳು ಉಂಟಾಗುವ ಸಾಧ್ಯತೆ ಇದ್ದು, ಅಗತ್ಯ ಕ್ರಮ ಕೈಗೊಳ್ಳುವಂತೆ ಎಲ್ಲಾ ಆಸ್ಪತ್ರೆಗಳಿಗೆ ಸೂಚಿಸಲಾಗಿದೆ.

ರಾಜಸ್ಥಾನದ ಫ‌ಲೋಡಿಯಲ್ಲಿ ಶನಿವಾರ ಉಷ್ಣತೆ 50 ಡಿ.ಸೆ. ದಾಟಿದೆ. ಉಳಿದಂತೆ ಜೈಸಲ್ಮೇರ್‌ನಲ್ಲಿ 48, ಬಿಕಾನೇರ್‌ನಲ್ಲಿ 47.2, ಜೋಧ್‌ಪುರದಲ್ಲಿ 46.9, ಗಂಗಾನಗರದಲ್ಲಿ 46.5, ಕೋಟಾದಲ್ಲಿ 46.3, ಜೈಪುರದಲ್ಲಿ 43.8 ಡಿಗ್ರಿ ಸೆ. ತಾಪಮಾನ ದಾಖಲಾಗಿದೆ.

ಅಧಿಕಾರಿಗಳಿಗೆ ನೋಟಿಸ್‌:
ಹವಾಮಾನದಲ್ಲಿ ವೈಪರೀತ್ಯವುಂಟಾಗಿದ್ದರೂ ಆಸ್ಪತ್ರೆಗಳಲ್ಲಿ ಸೂಕ್ತ ಕ್ರಮ ಕೈಗೊಳ್ಳದ್ದಕ್ಕೆ 12 ಅಧಿಕಾರಿಗಳಿಗೆ ಶೋಕಾಸ್‌ ನೋಟಿಸ್‌ ನೀಡಲಾಗಿದೆ. ಅತಿಯಾದ ತಾಪದಿಂದ ಜನ ತೊಂದರೆಗೀಡಾಗಬಹುದು ಎಂಬ ಕಾರಣಕ್ಕೆ ಸಕಲ ಸಿದ್ಧತೆಗಳನ್ನು ಕೈಗೊಳ್ಳುವಂತೆ ಆಸ್ಪತ್ರೆಗಳಿಗೆ ಸೂಚಿಸಲಾಗಿತ್ತು. ಆದರೂ ಸಿದ್ಧತೆ ಕೈಗೊಳ್ಳದ ಆರೋಗ್ಯ ಅಧಿಕಾರಿಗಳಿಗೆ ನೋಟಿಸ್‌ ನೀಡಲಾಗಿದೆ.