ಶರಿಯಾ ನೀತಿ; ತಾಲಿಬಾನಿಗಳು ಒಳ್ಳೆ ಆಡಳಿತ ಕೊಡಲಿ: ಫಾರುಕ್ ಅಬ್ದುಲ್ಲಾ

Team Udayavani, Sep 9, 2021, 11:10 AM IST

ಶ್ರೀನಗರ: ಅಫ್ಘಾನಿಸ್ತಾನದಲ್ಲಿ ಸರ್ಕಾರ ರಚಿಸಿರುವ ತಾಲಿಬಾನಿಗಳು ಉತ್ತಮ ಆಡಳಿತ ನೀಡಲಿ ಎಂದು ಹೇಳುವ ಮೂಲಕ ಜಮ್ಮು ಮತ್ತು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ, ನ್ಯಾಷನಲ್‌ ಕಾನ್ಫರೆನ್ಸ್‌ ಮುಖ್ಯಸ್ಥ ಫಾರುಕ್‌ ಅಬ್ದುಲ್ಲಾ ವಿವಾದಕ್ಕೆ ನಾಂದಿ ಹಾಡಿದ್ದಾರೆ.

ಆಫ್ಘನ್ ನಲ್ಲಿ ಇಸ್ಲಾಮಿಕ್‌ ತತ್ವಗಳೊಂದಿಗೆ ತಾಲಿಬಾನಿಗಳು ಉತ್ತಮ ಆಡಳಿತ ನಡೆಸಬೇಕು. ಅವರು ಬೇರೆ ದೇಶಗಳೊಂದಿಗೆ ಸ್ನೇಹ ಸಾಧಿಸಿಕೊಳ್ಳಲು ನೋಡಬೇಕು. ದೇಶದ ಎಲ್ಲ ಜನರ ಮಾನವ ಹಕ್ಕುಗಳನ್ನು ಕಾಪಾಡಬೇಕು ಹಾಗೂ ಎಲ್ಲರಿಗೂ ಗೌರವ ಸಿಗುವಂತೆ ನೋಡಿಕೊಳ್ಳಬೇಕು ಎಂದು ಫಾರೂಕ್‌ ಅಬ್ದುಲ್ಲಾ ನುಡಿದಿದ್ದಾರೆ.

ವಿಶ್ವಕ್ಕೇ ಉದಾಹರಣೆಯಾಗಬಲ್ಲರು:
ತಾಲಿಬಾನಿಗಳು ಸರಿಯಾದ ರೀತಿಯಲ್ಲಿ ಶರಿಯಾ ನೀತಿ ಅನುಸರಿಸಿದರೆ ಅವರು ಪೂರ್ತಿ ವಿಶ್ವಕ್ಕೇ ಉದಾಹರಣೆಯಾಗಬಲ್ಲರು ಎಂದು ಪಿಡಿಪಿ ಮುಖ್ಯಸ್ಥೆ ಮೆಹಬೂಬಾ ಮುಫ್ತಿ ಹೇಳಿದ್ದಾರೆ.

ತಾಲಿಬಾನಿಗಳು ಈ ಹಿಂದಿನಂತೆ ಮಾನವ ಹಕ್ಕು ಉಲ್ಲಂಘನೆ ಮಾಡಬಾರದು. ಅವರು ಹೆಣ್ಣು ಮಕ್ಕಳಿಗೆ ಗೌರವ ನೀಡಿ ನಿಜ ವಾದ ಶರಿಯಾ ನಿಯಮ ಪಾಲಿಸಬೇಕು. 1990ರಲ್ಲಿ ಮಾಡಿ ದಂತೆಯೇ ಮಾಡಿದರೆ ಅದು ಇಡೀ ವಿಶ್ವಕ್ಕೇ ಅಪಾಯ ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ:ಜೆಡಿಎಸ್‌ ಬೆಂಬಲ ಕೋರಿಕೆ, ಸಿದ್ದರಾಮಯ್ಯ ಅಸಮಾಧಾನ?

ಫಾರೂಕ್‌ ಮತ್ತು ಮೆಹ ಬೂಬಾ ಹೇಳಿಕೆಗಳು ನಮ್ಮ ದೇಶ ದಲ್ಲೂ ತಾಲಿಬಾನಿ ಮನಸ್ಥಿತಿಯ ಜನರಿದ್ದಾರೆ ಹಾಗೂ ಉಗ್ರರ ಏಜೆಂಟ್‌ಗಳಾಗಿ ವರ್ತಿಸುತ್ತಿದ್ದಾರೆ ಎಂಬುದನ್ನು ಸಾಬೀತು ಪಡಿಸಿದೆ.
– ರಾಕೇಶ್‌ ಸಿನ್ಹಾ, ಬಿಜೆಪಿ ರಾಜ್ಯ ಸಭಾ ಸಂಸದ