Bihar ಜಾತಿ ಸರ್ವೆ ಬಗ್ಗೆ ಕೇಂದ್ರಕ್ಕೆ ಹಗೆತನ: ಲಾಲು ಪ್ರಸಾದ್‌ ಯಾದವ್‌

Team Udayavani, Aug 26, 2023, 11:44 PM IST

ಪಾಟ್ನಾ: ಜಾತಿ ಸಮೀಕ್ಷೆ ನಡೆಸಿದ ಬಿಹಾರ ಸರಕಾರದ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಹಗೆ ಸಾಧಿಸುತ್ತಿದೆ ಎಂದು ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್‌ ಯಾದವ್‌ ಶನಿವಾರ ಆರೋಪಿಸಿದ್ದಾರೆ.

ಪಾಟ್ನಾದಲ್ಲಿ ಆಯೋಜಿಸಲಾಗಿದ್ದ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದ ಅವರು, ದೇಶದಲ್ಲಿ ಇಂದಿಗೂ ಹಿಂದು ಳಿದವರು ದಲಿತರ ಮೇಲೆ ದೌರ್ಜನ್ಯಗಳು ನಡೆಯುತ್ತಲೇ ಇವೆ. ಊಳಿಗಮಾನ್ಯ ಪದ್ಧತಿ ಅಷ್ಟು ಸುಲಭವಾಗಿ ಅಳಿಯುವುದೂ ಇಲ್ಲ. ಜನರ ಸುಭಿಕ್ಷೆಗಾಗಿ ಮುಖ್ಯ ಮಂತ್ರಿ ನಿತೀಶ್‌ ಕುಮಾರ್‌ ಅವರು ತಂದ ಜಾತಿ ಸಮೀಕ್ಷೆಯ ಬಗ್ಗೆ ಕೇಂದ್ರವೇ ಹಗೆ ಸಾಧಿಸುತ್ತಿದೆ. ಸುಪ್ರೀಂ ಕೋರ್ಟ್‌ನಲ್ಲಿ ಅದನ್ನು ಪ್ರಶ್ನೆ ಮಾಡಿತ್ತು ಎಂದು ಆರೋ ಪಿಸಿದರು.

ಜಾತಿ ಸಮೀಕ್ಷೆ ಏಕೆ ಮಾಡಬಾರದು ಎಂದು ಪ್ರಶ್ನಿಸಿದ ಅವರು, ಹಿಂದುಳಿ ದ ವರ್ಗಗಳಿಗೆ ನೀಡುವ ಸವಲತ್ತುಗಳು ಅವರ ಹಕ್ಕು! ಆದರೆ ಅದನ್ನು ಉಪಕಾರ ಎನ್ನುವಂತೆ ಮಾಡಲಾಗಿದೆ. ಸರಿಯಾದ ದತ್ತಾಂಶಗಳಿಲ್ಲದೇ ಹಂಚಿಕೆಯಲ್ಲಿ ಗೊಂದಲವಾಗುತ್ತಿದೆ. ಈ ನಿಟ್ಟಿನಲ್ಲಿ ಸಮೀಕ್ಷೆ ಪರಿಹಾರ ನೀಡಲಿದೆ ಎಂದಿದ್ದಾರೆ.