ಕೋವಿಡ್ ಹಾಟ್ ಸ್ಪಾಟ್ ಆದ ಚೆನ್ನೈನ ಐಷಾರಾಮಿ ಹೋಟೆಲ್: 85 ಮಂದಿ ಸಿಬ್ಬಂದಿಗೆ ಸೋಂಕು ದೃಢ

Team Udayavani, Jan 3, 2021, 1:30 PM IST

ಚೆನ್ನೈ: ಇಲ್ಲಿನ ಐಷಾರಾಮಿ ಹೋಟೆಲ್ ಒಂದು ಇದೀಗ ಕೋವಿಡ್ ಹಾಟ್ ಸ್ಪಾಟ್ ಆಗಿದೆ. ಕಳೆದ ಡಿ.15ರಿಂದ ಇಲ್ಲಿಯವರೆಗೆ ಹೋಟೆಲ್ ನ 85 ಮಂದಿ ಸಿಬ್ಬಂದಿಗೆ ಕೋವಿಡ್ ಸೋಂಕು ದೃಢವಾಗಿದೆ.

ಹೋಟೆಲ್ ನಲ್ಲಿ ಇದುವರೆಗೆ ಒಟ್ಟು 609 ಮಾದರಿಗಳನ್ನು ಸಂಗ್ರಹಿಸಿ ಪರೀಕ್ಷಿಸಲಾಗಿದ್ದು, 85 ಜನರಿಗೆ ಸೋಂಕು ದೃಢವಾಗಿದೆ.

ಹೋಟೆಲ್ ನಲ್ಲಿ ಎಲ್ಲಾ ಅತಿಥಿಗಳ ಪರೀಕ್ಷೆನಡೆಸಲು ಗ್ರೇಟರ್ ಚೆನ್ನೈ ನಿಗಮಕ್ಕೆ ಸೂಚನೆ ನೀಡಲಾಗಿದೆ ಎಂದು ಆರೋಗ್ಯ ಕಾರ್ಯದರ್ಶಿ ಜೆ ರಾಧಾಕೃಷ್ಣನ್ ತಿಳಿಸಿದ್ದಾರೆ.

ಗರಿಷ್ಠ ಸಾಮಾಜಿಕ ಅಂತರ ಮತ್ತು ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಸಭಾಂಗಣದ ಶೇಕಡಾ 50 ರಷ್ಟು ಸಾಮರ್ಥ್ಯವನ್ನು ಮಾತ್ರ ಬಳಸಲಾಗುತ್ತಿದೆ ಎಂದು ಐಟಿಸಿ ಗ್ರ್ಯಾಂಡ್ ಚೋಳ ಹೋಟೆಲ್ ಪ್ರಕಟಣೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ:ದೇಶದಲ್ಲಿ ಕೋವ್ಯಾಕ್ಸಿನ್ ಮತ್ತು ಕೊವಿಶೀಲ್ಡ್ ಲಸಿಕೆ ಬಳಸಲು ಅನುಮತಿ

ಘಟನೆಯ ಬಳಿಕ ಚೆನ್ನೈನ ಎಲ್ಲಾ ಹೋಟಲ್ ಗಳ ಸಿಬ್ಬಂದಿಗಳನ್ನು ಕೋವಿಡ್ ಪರೀಕ್ಷೆಗೆ ಒಳಪಡಿಸಲು ಗ್ರೇಟರ್ ಚೆನ್ನೈ ನಿಗಮಕ್ಕೆ ಸೂಚಿಸಲಾಗಿದೆ ಎಂದು ಜೆ ರಾಧಾಕೃಷ್ಣನ್ ಹೇಳಿದರು.