ಈತ ಒಬ್ಬ ವಿಶಿಷ್ಟ ಕಳ್ಳ..ಕದ್ದ ಮೇಲೆ “ಐ ಲವ್‌ ಯೂ’ ಎಂದ!

Team Udayavani, May 26, 2022, 6:45 AM IST

ಸಾಂದರ್ಭಿಕ ಚಿತ್ರ.

ಪಣಜಿ: ಈತ ಒಬ್ಬ ವಿಶಿಷ್ಟ ಕಳ್ಳ. ಮನೆಯೊಂದಕ್ಕೆ ನುಗ್ಗಿದ ಈತ, 20 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ಕದ್ದ. ಆಮೇಲೆ ಅದೇನು ಅನ್ನಿಸಿತೋ ಏನೋ, ಇಷ್ಟೆಲ್ಲಾ ಕದಿಯುತ್ತಿದ್ದೇನೆ, ಮನೆ ಮಾಲೀಕರಿಗೆ ನೋವು ಕೊಡಬಾರದು ಎಂದು ಅನ್ನಿಸಿತೋ ಏನೋ ಗೊತ್ತಿಲ್ಲ. ಎಲ್ಲಾ ಕದ್ದಾದ ಮೇಲೆ ಅಲ್ಲೇ ಇದ್ದ ಟೀವಿ ಪರದೆ ಮೇಲೆ “ಐ ಲವ್‌ ಯೂ’ ಎಂದು ಬರೆದು ಹೋದ.

ಇದು ನಡೆದಿರುವುದು ಗೋವಾದ ಮಾರ್ಗೋ ನಗರದಲ್ಲಿ. ಮನೆ ಮಾಲೀಕರು, ಬೀಗ ಹಾಕಿಕೊಂಡು ಎರಡು ದಿನ ಬೇರೆ ಕಡೆ ಹೋಗಿದ್ದಾರೆ. ಇದನ್ನೇ ನೋಡಿದ ಅಪರಿಚಿತ ಕಳ್ಳ, ಮನೆಗೆ ನುಗ್ಗಿ ಕಳ್ಳತನ ಮಾಡಿದ್ದಾನೆ.

ಇದನ್ನೂ ಓದಿ:ಒಡಿಶಾದಲ್ಲಿ ರಸ್ತೆ ಅಪಘಾತ: ಪಶ್ಚಿಮ ಬಂಗಾಳದ 6 ಮಂದಿ ಸಾವು

ಕಳ್ಳತನವಾದ ವಸ್ತುಗಳಲ್ಲಿ 1.5 ಲಕ್ಷ ರೂ. ನಗದೂ ಸೇರಿದೆ. ಸದ್ಯ ಪೊಲೀಸರು ಈ “ಲವ್‌ ಯೂ’ ಕಳ್ಳನನ್ನು ಹುಡುಕುತ್ತಿದ್ದಾರೆ.