ದೂರದಿಂದಲೇ ರೋಗಿಯ ಎದೆ ಬಡಿತ ಪ್ರಮಾಣ ದಾಖಲಿಸಲು ಬಂದಿದೆ ಡಿಜಿಟಲ್‌ ಸ್ಟೆತಾಸ್ಕೋಪ್‌

Team Udayavani, Apr 12, 2020, 7:22 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಕೋವಿಡ್ ಸೋಂಕಿತರ ಚಿಕಿತ್ಸೆಯಲ್ಲಿ ನಿರತರಾಗಿರುವ ವೈದ್ಯರು ರೋಗಿಯಿಂದ ಕೊಂಚ ದೂರವೇ ನಿಂತು ಅವರ ಎದೆ ಬಡಿತ ಕೇಳಿಸಿಕೊಳ್ಳಬಹುದಾದಂತಹ ಡಿಜಿಟಲ್‌  ಸ್ಟೆತಾಸ್ಕೋಪ್‌  ಒಂದನ್ನು ಐಐಟಿ-ಬಾಂಬೆಯ (ಐಐಟಿ-ಬಿ) ಸಂಶೋಧಕರು ಕಂಡುಹಿಡಿದಿದ್ದಾರೆ.

ಬ್ಲೂ ಟೂತ್‌ ಸಾಧನದ ಮೂಲಕ ರೋಗಿಯ ಎದೆಬಡಿತದ ಸದ್ದು ವೈದ್ಯರಿಗೆ ಕೇಳಿಸುತ್ತದೆ. ಹೀಗಾಗಿ ವೈದ್ಯರು ರೀಡಿಂಗ್‌ ತೆಗೆದುಕೊಳ್ಳಲು ರೋಗಿಯ ಹತ್ತಿರವೇ ಹೋಗಬೇಕೆಂದಿಲ್ಲ. ಈ ಸಾಧನ ಬಳಸುವುದರಿಂದ ಸೋಂಕಿತ ವ್ಯಕ್ತಿಯಿಂದ ವೈದ್ಯರಿಗೆ ವೈರಸ್‌ ಅಂಟಿಕೊಳ್ಳುವ ಅಪಾಯ ಇರುವುದಿಲ್ಲ ಎಂದು ಸಂಶೋಧಕರು ಅಭಿಪ್ರಾಯಪಟ್ಟಿದ್ದಾರೆ.

ಐಐಟಿ-ಬಿ ತಂಡವು ಪೇಟೆಂಟ್‌ ಪಡೆದಿರುವ ಈ ಸಾಧನ, ರೋಗಿಯ ದೇಹದಿಂದ ಅಗತ್ಯವಿರುವ ಸದ್ದುಗಳನ್ನು ರೆಕಾರ್ಡ್‌ ಮಾಡಿ, ರೋಗಿಯ ಆರೋಗ್ಯ ದಾಖಲೆಗಳಿಗೆ ಸಂಬಂಧಿಸಿದಂತೆ ಅದನ್ನು ಸಂಗ್ರಹಿಸಿಡುವ ವ್ಯವಸ್ಥೆಯನ್ನೂ ಹೊಂದಿದೆ. ಇಂತಹ 1000 ಸ್ಟೆತಾಸ್ಕೋಪ್‌ಗಳನ್ನು ಈಗಾಗಲೇ ದೇಶದ ವಿವಿಧ ಆಸ್ಪತ್ರೆಗಳು ಹಾಗೂ ಆರೋಗ್ಯ ಕೇಂದ್ರಗಳಲ್ಲಿ ಬಳಸಲಾಗ‌ುತ್ತಿದೆ ಎಂದು ತಂಡ ತಿಳಿಸಿದೆ.