ಅಕ್ರಮ ಬಾಂಗ್ಲಾ ವಲಸಿಗರಿಂದ ಮಿಜೋರಾಂ ನಲ್ಲಿ 16 ಗ್ರಾಮ ಸೃಷ್ಟಿ

Team Udayavani, Mar 15, 2019, 9:52 AM IST

ಐಜಾಲ್‌ : ನೆರೆಯ ಬಾಂಗ್ಲಾದೇಶದ ಅಕ್ರಮ ವಲಸಿಗರು ದಕ್ಷಿಣ ಮಿಜೋರಾಂ ನ ಲುಂಗ್ಲೆಯಿ ಜಿಲ್ಲೆಯಲ್ಲಿ 16 ಗ್ರಾಮಗಳನ್ನು ಸೃಷ್ಟಿಸಿಕೊಂಡಿದ್ದಾರೆ ಎಂಬ ವಿಷಯವನ್ನು ಇಂದು ಶುಕ್ರವಾರ ರಾಜ್ಯ ವಿಧಾನಸಭೆಗೆ ತಿಳಿಸಲಾಯಿತು. 

ಯಾವುದೇ ಕಾನೂನು ಸಮ್ಮತ ದಾಖಲೆ ಪತ್ರಗಳಿಲ್ಲದೆ ಅಕ್ರಮವಾಗಿ ರಾಜ್ಯಕ್ಕೆ ವಲಸೆ ಬಂದವರು ಈ ರೀತಿಯ ಇನ್ನೂ ಒಂಬತ್ತು ಗ್ರಾಮಗಳನ್ನು ಸೃಷ್ಟಿಸಿಕೊಂಡಿದ್ದಾರೆ ಸ್ಥಳೀಯಾಡಳಿತೆ ಸಚಿವ ಕೆ ಲಾಲ್‌ರಿಂಗ್ಲಿಯಾನಾ ಸದನಕ್ಕೆ ತಿಳಿಸಿದರು .

ಈ ಒಂಬತ್ತು ಗ್ರಾಮಗಳ ಪೈಕಿ ನಾಲ್ಕನ್ನು ಐಜಾಲ್‌ ಜಿಲ್ಲೆಯಲ್ಲೂ , ಮೂರನ್ನು  ಮ್ಯಾನ್‌ಮಾರ್‌ ಗಡಿಗೆ ತಾಗಿಕೊಂಡಿರುವ ಚಂಫಾಯಿಯಲ್ಲಿ ಮತ್ತು ಎರಡನ್ನು ತ್ರಿಪುರ ಗಡಿಯೊಂದಿಗಿನ ಮಾಮಿತ್‌ ನಲ್ಲಿ ಅಕ್ರಮ ವಲಸಿಗರು ಸೃಷ್ಟಿಸಿಕೊಂಡಿದ್ದಾರೆ ಎಂದವರು ಹೇಳಿದರು.