ತೈಲ ಖರೀದಿ: ರಷ್ಯಾ ಜತೆಗೆ ಮಾತುಕತೆ ಪೂರ್ಣ

Team Udayavani, Feb 17, 2020, 7:30 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಹೊಸದಿಲ್ಲಿ: ರಷ್ಯಾದಿಂದ ಕಚ್ಚಾ ತೈಲ ಖರೀದಿಸುವುದರ ಬಗ್ಗೆ ಕೇಂದ್ರ ಸರಕಾರ ಮಾತುಕತೆ ಪೂರ್ಣಗೊಳಿಸಿದೆ. ಅಕ್ಟೋಬರ್‌ನಲ್ಲಿ ಆ ದೇಶದ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ ಹೊಸದಿಲ್ಲಿಗೆ ಆಗಮಿಸಿದ ಸಂದರ್ಭದಲ್ಲಿ ಅಧಿಕೃತವಾಗಿ ಸಹಿ ಹಾಕಲಾಗುತ್ತದೆ. ಈ ಒಪ್ಪಂದದಿಂದ ಎರಡು ದೇಶಗಳ ನಡುವೆ ಇರುವ 11 ಬಿಲಿಯನ್‌ ಅಮರಿಕನ್‌ ಡಾಲರ್‌ಗಳಷ್ಟು ಇರುವ ವ್ಯಾಪಾರದ ಗಾತ್ರ 25 ಅಮೆರಿಕನ್‌ ಬಿಲಿಯನ್‌ ಡಾಲರ್‌ಗಳಿಗೆ ಏರಿಕೆಯಾಗುವ ನಿರೀಕ್ಷೆ ಇದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ರಷ್ಯಾ ರಾಯಭಾರ ಕಚೇರಿಯ ಉಪ ಅಧಿಕಾರಿ ರೊಮನ್‌ ಬಾಬುಷ್ಕಿನ್‌ ರಷ್ಯಾದಿಂದ ಭಾರತಕ್ಕೆ 2 ಮಿಲಿ ಯನ್‌ ಟನ್‌ ತೈಲ ಸಾಗಣೆ ಬಗ್ಗೆ ಒಪ್ಪಂದ ಮಾಡಿಕೊಂಡಿದ್ದೇವೆ, ಹಾಲಿ ವರ್ಷಾಂತ್ಯದಲ್ಲಿ ಅದರ ಪೂರೈಕೆ ಶುರುವಾಗ ಲಿದೆ. ಮುಂದಿನ ಹಲವು ವರ್ಷಗಳನ್ನು ದೃಷ್ಟಿಯಲ್ಲಿರಿಸಿಕೊಂಡು ತೈಲ ಪೂರೈಕೆ ಬಗ್ಗೆ ಒಪ್ಪಂದ ಮಾಡಿಕೊಳ್ಳಲಾಗುವುದು ಎಂದಿದ್ದಾರೆ.