ಪಾಕ್ ಗೆ ಪ್ರತ್ಯುತ್ತರ; ಸ್ನೈಪರ್ ನ ಹೊಡೆದುರುಳಿಸಿದ ಯೋಧರು

Team Udayavani, Dec 25, 2017, 6:00 AM IST

ಜಮ್ಮು/ಹೊಸದಿಲ್ಲಿ: ಜಮ್ಮು-ಕಾಶ್ಮೀರದ ಗಡಿ ನಿಯಂತ್ರಣ ರೇಖೆಯಲ್ಲಿ ಶನಿವಾರ ಅಪ್ರಚೋದಿತ ಗುಂಡಿನ ದಾಳಿ ನಡೆಸಿ ಸೇನೆಯ ಮೇಜರ್‌ ಸಹಿತ ನಾಲ್ವರು ಯೋಧರ ಪ್ರಾಣ ಬಲಿತೆಗೆದುಕೊಂಡ ಪಾಕ್‌ಗೆ ಭಾರತೀಯ ಸೇನೆಯು ರವಿವಾರ ತಕ್ಕ ಪ್ರತ್ಯುತ್ತರ ನೀಡಿದೆ. ಪಾಕ್‌ ಕಡೆಯಿಂದ ದಾಳಿಗೆ ಸಜ್ಜಾಗುತ್ತಿದ್ದ ಸ್ನೆ„ಪರ್‌ವೊಬ್ಬನನ್ನು ಪತ್ತೆ ಹಚ್ಚಿ, ಆತನನ್ನು ಹೊಡೆದುರುಳಿಸುವಲ್ಲಿ ಭಾರತೀಯ ಸೇನೆ ಯಶಸ್ವಿಯಾಗಿದೆ.

ರಜೌರಿ ಜಿಲ್ಲೆಯ ಕೇರಿ ವಲಯ ದಲ್ಲಿ ಶನಿವಾರವಷ್ಟೇ ಕದನ ವಿರಾಮ ಉಲ್ಲಂ ಸಿದ್ದ ಹೇಡಿ ಪಾಕ್‌, ಭಾರತದ ನಾಲ್ವರು ಯೋಧರ ಸಾವಿಗೆ ಕಾರಣವಾಗಿತ್ತು. ರವಿವಾರ ಮತ್ತೆ ತನ್ನ ಚಾಳಿ ಮುಂದುವರಿಸಿದ ನೆರೆರಾಷ್ಟ್ರ, ಪೂಂಛ… ಜಿಲ್ಲೆಯ ಶಹಾಪುರ್‌ ಪ್ರದೇಶ ದಲ್ಲಿರುವ ಮುಂಚೂಣಿ ನೆಲೆಗಳ ಮೇಲೆ ಏಕಾಏಕಿ ಅಪ್ರಚೋದಿತ ಗುಂಡಿನ ದಾಳಿ ಆರಂಭಿಸಿತು. ಈ ಸಂದರ್ಭ ಭಾರತೀಯ ಸೇನೆ ಕೂಡ ತಕ್ಕ ಪ್ರತ್ಯುತ್ತರ ನೀಡಿದೆ.